ZIMA KILA KITU ILA WASHA JEMBE FM 93.7 MWANZA

ZIMA KILA KITU ILA WASHA JEMBE FM 93.7 MWANZA

Wednesday, April 25, 2018

UZINDUZI WA ZOEZI LA KUGAWA VITABU JIJINI MWANZA.

 Mkuu wa Mkoa Mwanza, Mhe.John Mongela amezindua zoezi la ugawaji wa vitabu kwa ajili ya wanafunzi wa darasa la kwanza hadi la tatu katika shule za msingi za halmashauri ya Jiji la Mwanza.
 Mkuu wa Mkoa wa Mwanza Mhe.John Mongella amekabidhi vitabu vya Masomo ya kuandika,kusoma,Afya na mazingira,Michezo na sanaa,maarifa ya jamii na kiingereza vilivyotolewa na Serikali kupitia Wizara ya Elimu na TAMISEMI vyenye thamani ya bilioni 1.3 kwa ajili ya darasa la 1,2, na la tatu kwa ajili ya Halmashauri zote za Mkoa wa Mwanza ikiwa ni idadi ya vitabu 500,446.


Lengo la Serikali ni kuhakikisha uwiano unakuwa kitabu 1kwa Mtoto 1. Mhe Mongella: Makabidhiano hayo yamefanyika s/m Buhongwa.



VIDEO:- SALAH AIONGOZA LIVERPOOL KUKANYAGA MGUU MMOJA KUTINGA FAINALI HUKU ROMA IKISUBIRI MUUJIZA MWINGINE.

Mo Salah ametengeneza moja kati ya muda muhimu wa thamani katika maisha yake ya soka na kwa klabu yake ya Liverpool kwa kuisogeza hatua kadhaa timu yake kuzifikia Fainali za michuano mikubwa Barani Ulaya.
Lakini yaweza kuwa sivyo kama inavyotabiriwa, kwani katika mchezo wa marudiano yaweza ukawa mgumu tofauti na inavyodhaniwa baada ya Roma kurejea mchezoni kwenye dakika za lala salama.
Waitaliano hao wamepata magoli ya jioni ya kustukiza kiasi cha kuweka akiba ya ndoto yao kama watatumia vyema mchezo wa marudiano nyumbani kwao.

Edwin Dzeko na Diego Peroti ndiyo waliwapa Roma Matumaini pengine ya kuweza kupindua matukeo katika mechi ya marudiano itakayofanyika jijini Roma Italia kila mmoja akisaidia kufunga bao moja na kufanya mchezo huo kumalika Kwa ushindi wa bao 5-2 walioupata Liverpool.

Edwin Dzeko ni dume la kuogopeka baada ya kuiongoza timu yake kuchomoza na ushindi kwa kuiaibisha Barsa bao 3-0 kwenye mchezo uliopita na hatimaye kufika hapa walipo sasa ndiye anayebaki kuwa tegemeo na hatma ya Roma. 
If Roma's fight-back took the gloss over what was until the last 10 minutes one of Liverpool finest-ever European nights, then it should not detract from Salah's masterpiece.
Hadi mwisho wa mchezo:-

Tuesday, April 24, 2018

WAZIRI WA AFYA AZNDUA UGAWAJI WA VYANDARUA VYENYE DAWA YA MUDA MREFU KIGOMA

WAZIRI Wa Afya maendeleo ya Jamiii jinsia Wazee na Watoto Ummy Mwalimu ''Vyandarua bure kwa Wajawazito na Watoto,atakaeuza kukiona''.Waziri Ummy akizungumza leo kwenye ugawaaji wa Vyandarua katika Zahanati ya Mwandiga mapema leo,mkoani Kigoma.
WAZIRI Wa Afya maendeleo ya Jamiii jinsia Wazee na Watoto Ummy Mwalimu akimkabidhi chandarua chenye dawa ya muda mrefu Mwantum Mohammed baada ya kuzindua kuzindua ugawaji endelevu wa vyandarua vyenye dawa ya muda mrefu kwa akinamama wajawazito na watoto wenye umri wa mwaka mmoja, mpango ambao unaendeshwa na shirika la Johns Hopkins kupitia mradi wa Vectors Work chini ya ufadhili wa USAID kupitia mfuko wa Rais wa Marekani wa kupambana na Malaria. Kulia ni mwakilishi wa USAID Tanzania Andy Karas. 
Mwakilishi wa USAID Tanzania Andy Karas akimkabidhi chandarua chenye dawa ya muda mrefu Asha Juma baada ya uzinduzi wa ugawaji endelevu wa vyandarua vyenye dawa ya muda mrefu kwa akinamama wajawazito na watoto wenye umri wa mwaka mmoja, mpango ambao unaendeshwa na shirika la 
 Johns Hopkins kupitia mradi wa Vectors Work chini ya ufadhili wa USAID kupitia mfuko wa Rais wa Marekani wa kupambana na Malaria. 

WAZIRI Wa Afya maendeleo ya Jamiii jinsia Wazee na Watoto Ummy Mwalimu akiwasikiliza akinamama wanaudhuria kliniki kwenye Zahanati ya Mwandinga Wilaya ya Kigoma Vijijini baada ya kuzindua ugawaji endelevu wa vyandarua vyenye dawa ya muda mrefu kwa akinamama wajawazito na watoto wenye umri ya mwaka mmoja mpango ambao unaendesha na shirika la 
 Johns Hopkins kupitia mradi wa Vectors Work chini ya ufadhili wa USAID kupitia mfuko wa Raisi wa Marekani wa kupambana na Malaria.
WAZIRI Wa Afya maendeleo ya Jamiii jinsia Wazee na Watoto Ummy Mwalimu akiwasikiliza akinamama wanaudhuria kliniki kwenye Zahanati ya Mwandinga Wilaya ya Kigoma Vijijini baada ya kuzindua kuzindua ugawaji endelevu wa vyandarua vyenye dawa ya muda mrefu kwa akinamama wajawazito na watoto wenye umri ya mwaka mmoja mpango ambao unaendeshwa na shirika la 
 Johns Hopkins kupitia mradi wa Vectors Work chini ya ufadhili wa USAID kupitia mfuko wa Raisi wa Marekani wa kupambana na Malaria.
WAZIRI Wa Afya maendeleo ya Jamiii jinsia Wazee na Watoto Ummy Mwalimu akimkabidhi chandarua chenye dawa ya muda mrefu Mwantum Mohammed baada ya kuzindua kuzindua ugawaji endelevu wa vyandarua vyenye dawa ya muda mrefu kwa akinamama wajawazito na watoto wenye umri ya mwaka mmoja mpango ambao unaendesha na shirika la 
 Johns Hopkins kupitia mradi wa Vectors Work  chini ya ufadhili wa USAID kupitia mfuko wa Rais wa Marekani wa kupambana na Malaria. 



*Vyandarua Bure kwa Wajawazito na Watoto,atakaeuza kukiona

WAZIRI Wa Afya maendeleo ya Jamiii jinsia Wazee na Watoto Ummy Mwalimu ameagiza Waganga Wakuu Wa Mikoa,Wa Wilaya na Waganga Wafawidhi kuweka Matangazo katika Vituo vya Afya, Zahanati na Hospitali kwamba huduma za upimaji na Matibu ya Malaria ni bure na Wananchi hawatakiwi kulipia kwakuwa kuna wafadhili wanao gharamia gharama hizo. 

Maagizo hayo aliyatoa jana Mkoani Kigoma katika Zahanati ya Mwandiga Wakati akizindua ugawaji wa Vyandarua endelevu vyenye dawa ya Muda mrefu ,kwa Wakina Mama wajawazito na Watoto wenye umri wa Mwaka Moja wa ushirikiano wa Serikili ya Tanzania kupitia wizara ya afya kitengo cha kudhiti malaria na Shirika la misaada la marekani (USAID) ambapo alipokea Malalamiko kutoka kwa Wananchi wakidai kutozwa fedha kwaajili ya Matibabu na Wakati serikali imeagiza Zoezi hilo ni bure. 

Waziri Mwalimu alisema Ugawaji endelevu wa Vyandarua ni mradi unaoendeshwa kwa pamoja na shirika la JohnsHopkins Center for Communication na Vectorworks kwa ufadhili wa shirika la misaada la Marekani (USAID) kupitia mfuko wa Rais wa Marekani wa Kudhibiti malaria Na kuratibiwa na Serikali kupitia Mradi wa Kupambana na Malaria NMCP kwa hiyo vyandarua hivyo ni bure na Wananchi wanatakaiwa wasilipie. 

Aidha alisema ofisi ya takwimu (NBS) katika kaya mwaka 2017 zilionyesha kupungua kwa kiwango cha Maambukizi ya Malaria hadi chini ya asilimia 10% kutokana na Mikakati iliyowekwa na Wizara kuhakikisha wanatokomeza ugonjwa wa Malaria. 

Alisema mikakati ya Serikali ni kuongeza kasi ya upimaji wa Malaria kwa kutumia kipimo cha (mRDT) Hadubini na Kutumia dawa za mseto pindi wanapothibitika kuwa na Vimelea vya malaria , kuwapatia Wajawazito Vyandarua vyenye viuatilifu ili kujikinga kuumwa na Mbu pia kuwapatia dawa za Sp kwa kipindi maalumu wakati wa ujauzito ilikuwakinga na madhara yatokanayo na Malaria. 

"Niendelee Kusisitiza dawa za malaria na Matibabu ni bure Wananchi hawatakii kulipia, wafadhiri wetu wanajitoa sana kuhakikisha Suala la Malaria liishe , Waganga wafawidhi wanatuangusha sana niombe muweke matangazo na namba za simu kwenye vituo vya Afya iliwananchi watakao lipishwa watoe Malalamiko yao ilikuweza kuondokana na changamoto ya Ugonjwa wa Malaria", alisema Mwalimu. 

Kwa upande wake Mganga Mkuu wa Wilaya ya Kigoma Vijijini , Elisha Robarti alisema zahanati hiyo inakabiliwa na upungufu wa Watumishi wahitaji ni watumishi 15 na waliopo ni watumishi saba hali inayopelekea Watumishi kulemewa. 

Wakitoa Malalamiko yao Wananchi waliofika kupata huduma Katika Zahanati hiyo mbele ya Mh Waziri, Lydia Leonard alisema Wamekuwa wakitozwa shilingi 2500/= kwaajili ya Kipimo cha Malaria na kulipa dawa wanapofika kwaajili ya Matibabu . 

Alisema pamoja na kuwa na Kadi ya bima ya Afya lakini bado wanaendelea kutozwa fedha na kumuomba Waziri kusimamia suala hilo iliwaweze kupata Matibabu bure kama serikali inavyo elekeza. 
  

Hata hivyo Wananchi hao Shukuru Issa aliomba Serikali kuwajengea Kituo cha Afya Kata ya Mwandiga pamoja na kuboreshewa huduma Za Maji kwani maji wanayo yatumia sio salama na Wanalazimika kutumia Kilomita 13 kufuata huduma na Waziri alitoa maelekezo kwa halmashauri ya Wilaya ya Kigoma Vijijini kuanza ujenzi wa kituo hicho kwakuwa kata hiyo inawatu wengi na inahitajika kupata kituo cha Afya.

MSANII DIAMOND KUTOA BURUDANI KOMBE LA DUNIA 2018 NCHINI URUSI

 Msanii Diamond akiongea katika mkutano na waandishi wa habari jijini Dar es alaam (katikati) ni Sealouise Shayo, Meneja wa Chapa ya Coca-Cola nchini (kulia) ni Meneja wake Sallam SK.
 Msanii Diamond na Nahreel katika mkutano wa waandishi wa habari, wengine ni maofisa wa Coca-Cola na mameneja wa msanii Diamond.
Maofisa wa Coca-Cola wakiwa katika picha ya pamoja na Diamond na Nahreel baada ya mkutano na waandishi wa habari.

Msanii nguli  wa Bongo Fleva nchini Tanzania, Diamond Platnumz, kwa kushirikiana na kampuni ya Coca-Cola ametangaza kuwa ameshiriki kuimba wimbo utakaosherehesha Kombe la Dunia 2018  uitwao Colours.

Wimbo huo uliotungwa na mwanamuziki  Jason Derulo wa Florida, Marekani, Diamond ameshiriki kuweka maudhui ya lugha ya Kiswahili na umetayarishwa na prodyuza Nahreel kwa kushirikiana na maprodyuza kutoka nchi nyingine chini ya udhamini wa kampuni ya Coca-Cola.

Akiongea na waandishi wa habari jijini Dar es Salaam, amesema anayo furaha kupata fursa ya kushiriki kuimba kuimba wimbo wa mashindano haya makubwa ya kidunia na  kuitangaza Tanzania na lugha ya Afrika bila kusahau tasnia ya muziki kwa ujumla.

“Kwangu hii ni nafasi nyingine ambayo najivunia kuipata ya kutangaza muziki wa kitanzania sambamba na lugha ya Kiswahili kwa kuwa sehemu niliyoshiriki kuimba nimetumia lugha  ya taifa la Tanzania ambayo inazidi kupata umaarufu mkubwa duniani”alisema Diamond

Kwa upande wake Meneja wa Chapa ya Coca-Cola nchini, Sialouise Shayo, alisema kampuni ya Coca-Cola ambayo ni moja ya mdhamini wa mashindano haya makubwa ya soka duniani inayo furaha kwa msanii kutoka nchini Tanzania kushiriki kuimba wimbo maalum wa mashindano haya. “Tuna imani watanzania watapata mzuka wa soka dimbani na kujisikia sehemu ya mashindano haya”alisisitiza.

Prodyuza nguli wa muziki nchini na kanda ya Afrika Mashariki, Nahreel ,ambaye ameshiriki kutengeneza wimbo huu aliishukuru kampuni ya Coca-Cola kwa jitihada mbalimali ambazo imekuwa ikifanya kuwanyanyua wasanii wa hapa nchini ambapo mbali na Diamond naye ameshiriki kwenye tukio hili kubwa. “Ninayo furaha ya kufanya kazi  na Diamond kwa mara nyingine katika tukio hili kubwa la mashindano ya Kombe la Dunia na najivunia heshima kubwa tuliyopewa”

BWENI LA WASICHANA SHULE YA SENGEREMA ISLAMICK LAUNGUA MOTO KWA SHOTI YA UMEME.




Bweni la wasichana Shule ya Sengerema Islamick laungua moto kutokana shoti ya umeme.

Monday, April 23, 2018

KAMATI YA AMANI MKOA WA MWANZA YAJA NA MSISITIZO HUU KUHUSU MAANDAMANO.


Kamati ya amani mkoa wa Mwanza, mapema hii leo imeketi na haya ndiyo yaliyochomoza kwenye majumuisho na hatimaye hitimisho.

NYUMBA ZAIDI YA 40 ZAHARIBIWA NA MVUA KUBWA KILIMANJARO

Nyumba 40 zimeharibiwa na mvua kubwa zilizonyesha katika Kijiji cha Kileo Wilaya ya Mwanga Mkoani Kilimanjaro , nyumba kumi zimeanguka na zingine 30 kukatika kwa nyufa huku baadhi ya nyumba zikiwa zimengirwa na maji katika kijiji hicho.

Baadhi ya wananchi walioathiriwa na tukio hilo wamesema, tetemeko, radi na mvua hiyo ilianza saa nane za usiku wa kuamkia jana lakini kwa bahati nzuri hakuna aliyejeruhiwa baada ya kuwahi kujiokoa.

kufuatia hali hiyo ‘waathirika hao wakiwemo wanawake  Bi Kaweresia Akilimali  na Bi. Mwajuma Amir  wameiomba serikali wilayani mwanga kuwapatia msaada wa haraka wa kurejesha nyumba zao katika hali ya kawaida kutokana na uwezo mdogo walionao wa kipato.

Mwenyekiti wa serikali ya kijiji hicho Bw Kazeni Mcharo amesema kaya za nyumba hizo  awali zilihifadhiwa kwenye shule za sekondari za msingi za kijiji hicho lakini sasa wamechukuliwa na ndugu na jamaa kwa muda...insert ya bw kazeni mcharo mwenyekiti wa kijiji cha kileo.

BAADA YA MAANDAMANO MAKUBWA KUFANYIKA WAZIRI MKUU AACHIA NGAZI.


Waziri Mkuu wa Armenia, Serzh Sargsyan amejiuzulu rasmi leo April 23, 2018 baada ya siku kadhaa za maandamano makubwa ya kitaifa dhidi yake.

Wafuasi wa upinzani wanamtuhumu Sargsyan kwa kung’ang’ania madaraka mara tu baada ya kuteuliwa kuwa Waziri Mkuu Jumanne ya wiki iliyopita, baada ya kumaliza mihula miwili ya miaka 1o kama Rais

Tangazo hilo limekuja baada ya kiongozi wa upinzani Nikol Pashinyan kufunguliwa kutoka kizuizini. Pashinyan alikamatwa siku ya Jumapili baada ya mazungumzo ya televisheni na Mr Sargsyan kutofikia muafaka.

COCA-COLA BONITE YAMWAGA ZAWADI KWA WASHINDI WA PROMOSHENI YA 'MZUKA WA SOKA NA COKA'

 Mmoja wa washindi wa pokipiki akikabidhiwa zawadi yake.
 Baadhi ya washindi wa luninga katika picha ya pamoja baada ya kukabidhiwa zawadi zao
Washindi wa pikipiki wakijaribu kuendesha pikipiki zao baada ya kukabidhiwa wakiwa na Meneja Mauzo wa Bonite, Boniface Mwassi.
Wshindi wa fedha taslimu shilingi 100,000/-baada ya kukaidhiwa zawadi zao na Afisa Mwandamizi wa Mauzo wa Bonite, Godfrey Imani.
Baadhi ya washindi wakisubiri kukabidhiwa zawadi zao

Wakazi 25 wa miji ya Moshi na Arusha wameimaliza wiki kwa furaha baada ya kukabidhiwa zawadi zao walizojishindia kupitia promosheni ya kiwanda cha Coca-Cola cha Bonite kilichopo mjini Moshi inayojulikana kama “Mzuka wa Soka na Coka”Zawadi walizojishindia wananchi  hao ni pamoja na pikipiki 3,televisheni 7,na 15 pesa taslimu shilingi 100,000/-

Akiongea katika hafla ya kukabidhi zawadi hizo,Mkuu wa Masoko na Mauzo wa Bonite Bottlers, Chris Loiruk,alisema kampuni inayo furaha kuona wateja wake wataendelea kushiriki katika promosheni hii na kuweza kujishindia zawadi mbalimbali.

Alisema Promosheni hii iliyozinduliwa mapema mwezi huu itanufaisha watumiaji wa vinywaji vinavyotengenezwa na kampuni ya Coca-Cola ambavyo ni  Coca-Cola, Sprite, Fanta, Sparletta, Schweppes  Stoney Tangawizi  katika mikoa ya  Kilimanjaro, Arusha, Manyara na Singida .”Zipo zawadi nyingi  zimeandaliwa kwa ajili ya wateja wetu zikiwemo pikipiki,luninga bapa za kisasa,fedha taslimu kuanzia 5000 hadi 100,000/-na soda za bure, tunatoa wito waendelee kushiriki waweze kujishindia”.Alisisitiza Loiruk.

Wakiongea kwa furaha baada ya kukabidhiwa zawadi zao washindi hao waliishukuru kampuni ya Coca-Cola kwa kuandaa promosheni zenye mwelekeo wa kuwakwamua  wateja wake kimaisha sambamba na kuleta furaha kwa familia kupitia kuangalia luninga za kisasa.

Akiongea kwa niaba ya washindi wa pikipiki, Elisha Nanyaro Mkazi wa Tengeru, mkoani Arusha,alisema kuwa wanayo furaha kubwa kwa zawadi waliyojishindia na chombo hicho kinasaidia  kwa kiasi kikubwa kurahisisha usafiri sambamba na matumizi ya biashara kwa ajili ya kuongeza pato la familia.
Naye mmoja wa washindi Fransisca Mtuy,akiongea kwa niaba ya washindi wa luninga,alisema kuwa ushindi wa zawadi zao umekuja kwa wakati mwafaka ambapo mashindano ya soka ya kombe la Dunia yanakaribia,hivyo wataweza kuyaangalia pamoja na familia zao kwa kutumia luninga nzuri pia wataweza kufurahia habari na vipindi mbalimbali .

Kwa upande wake,Hawa Abrahamani,mjasiriamali na mkazi wa Arusha, akiongea kwa niaba ya washindi wa fedha taslimu shilingi 100,000/-alisema kuwa fedha walizojishindia zitawawezesha kutatua matatizo mbalimbali yaliyokuwa yakiwakabili sambamba na kuongeza mitaji yao ya biashara.

LIVE - RAIS MAGUFULI KATIKA UZINDUZI WA JENGO LA PSPF NA TAWI LA NMB, DODOMA


Rais Magufuli leo Aprili 23, 2018 anashiriki uzinduzi wa jengo jipya la Mfuko wa Pensheni kwa Watumishi wa Umma (PSPF) akiwa ndiye mgeni rasmi. Ujenzi wa jengo hili mpaka hatua hiyo umegharimu Tsh. Bilioni 30.5. Mbali na jengo hilo Rais Magufuli pia anazindua tawi jipya la Benki ya NMB Kambarage. Hii ni sehemu ya ziara yake mkoani humo aliyoianza leo kuelekea Maadhimisho ya Miaka 54 ya Muungano wa Tanzania. Fuatilia matangazo ya moja kwa moja kupitia Azam TWO.

SAFARI YA MWISHO YA MASOGANGE KUKAMILIKA LEO MKOANI MBEYA.

MWILI wa msanii, Agness Gerald ‘Masogange’ tayari umeshawasili Nyumbani katika kijiji cha Utengule, Mablizi, mkoani Mbeya tayari kwa taratibu za mazishi.

Masogange alifariki dunia Ijumaa iliyopita katika kituo cha Huduma za Afya cha Mama Ngoma kilichopo Mwenge jijini Dar ambapo jana aliagwa katika Viwanja vya Leaders na kusafirishwa kwenda kwao kuzikwa.


SABABU ZA KIFO CHAKE.
Kwa mujibu wa Taarifa za awali wakati wa kuthibitisha juu ya kifo chake Agness mwanasheria wake, Reuben Simwanza alitamka kuwa taarifa za kifo chake amezipata kupitia dada yake, saa chache mara baada ya kupoteza uhai.

Kwa maelezo ya Simwanza, dada wa Masogange, Emma Gerald, ndiye aliyetoa taarifa hizo baada tu ya kutoka kumuona alipokuwa amelazwa katika Hospitali ya Mama Ngoma, Mwenge jijini Dar es Salaam.

Mwanasheria huyo ambaye amedai yeye si msemaji zaidi, kuhusu nini chanzo cha kifo chake, alidai mara ya mwisho waliwasiliana naye siku mbili zilizopita kwa ujumbe wa simu ya mkononi.

  “Unajua kuumwa kweli alikuwa anaumwa, kipindi cha kesi yake magonjwa ya hapa na pale ikiwamo presha, si unajua tena mambo ya kesi hayana mwenyewe, lakini baada ya kwisha tulikuwa tunataniana kwamba sasa nina imani utakuwa powa kwani kila kitu kipo sawa,”amesema Simwanza.

Hivi karibuni, Masogange alihukumiwa kulipa faini ya Sh 1.5 milioni  na Mahakama ya Hakimu Mkazi Kisutu, baada ya kukutwa na hatia ya kutumia dawa za kulevya aina ya heroin.

Alibainika kutumia dawa hizo kati ya Februari 7 na 14, 2017

SALAH NDIYE MCHEZAJI BORA WA MWAKA NCHINI UINGEREZA.


Mchezaji hatari wa klabu ya soka ya Liverpool, Mohamed Salah ameshinda tuzo ya mchezaji bora wa mwaka inayotolewa na Chama cha Wachezaji wa kulipwa nchini England (PFA).

Salah ameshinda tuzo hiyo kwa kuwabwaga wachezaji wengine akiwemo Harry Kane (Tottenham Hotspur), David De Gea (Manchester United), Kevin De Bruyne, David Silva na Leroy Sane (Manchester City).

Wakati huo huo Leroy Sane ameshinda tuzo ya mchezaji bora chipukizi wa soka nchini Uingereza. Sane amewashinda Sterling (Manchester City), Ryan Sessegnon (Fulham), Harry Kane (Tottenham Hotspur) na Marcus Rashford (Manchester United).

Kwa upande wa soka la wanawake, Fran Kirby (24) wa klabu ya Chelsea amefanikiwa kushinda tuzo ya mchezaji bora wa wanawake ya PFA.

Naye Lauren Hemp wa Bristol City na timu ya wanawake chini ya umri wa miaka 19, amshinda tuzo ya mchezaji chipukizi kwa upande wa wanawake.

WAISLAMU KENYA WAKEMEA ONGEZEKO LA VITENDO VYA USHOGA NA USAGAJI KATI YA WANAFUNZI.

Wanafunzi nchini Kenya, ambao serikali imetakiwa kuwalinda kutokana na vitendo vichafu mashuleni
Waislamu visiwani Zanzibar wametakiwa kuienzi misikiti sambamba na kuifanyia usafi kila wakati. Kadhalika Waislamu wametakiwa kuzitumia nyumba hizo za Mwenyezi Mungu katika kukemea vitendo vya udhalilishaji dhidi ya wanawake na ulawiti.
Hayo yanajiri katika hali ambayo Baraza la Ushauri la Waislamu nchini Kenya, KEMNAC, limeitaka Wizara ya Elimu kwa kushirikiana na asasi za elimu nchini humo kukabiliana vikali na wimbi la vitendo vya ushoga na usagaji vinavyoshika kasi kati ya wanafunzi wa shule mbalimbali, suala ambalo linatishia mustakbali na vijana hao na taifa kwa ujumla.

Hayo yamesemwa na Sheikh mwenyekiti wa baraza hilo Sheikh Juma Ngao ambaye amedokeza kwamba, akthari ya wanafunzi wamekumbwa na visa hivyo vya kuchukiza. Na katika sehemu nyingine Waislamu wametakiwa kuukaribisha mwezi Mtukufu wa Ramadhani kwa kujipambana na akhlaqi za dini ya Kiislamu sambamba na kujiepusha na matendo ya maasi maarufu kwa jina la 'Vunja jungu' ambayo hufanywa siku ya mwisho kabla ya mwandamo wa mwezi huo mtukufu.
Mwezi wa Ramadhan ambao Waislamu wametakiwa kuupokea bila kufanya maasi
Hayo yameelezwa katika mimbari mbalimbali za swala ya leo ya Ijumaa ambapo pamoja na mambo mengine Waislamu wamekumbushwa juu ya ubaya na ukubwa wa dhambi ya kushiriki maasi katika kuukaribisha mwezi wa ibada wa Ramadhani. Na katika sehemu nyingine Waislamu wametakiwa kuacha kuitana majina mabaya na kukufurishana kwa sababu tu ya mwandomo wa mwezi huo na kwamba suala hilo linaweza kutatuliwa bila kukufurishana.

Sunday, April 22, 2018

ADHA ZA MVUA NA WAKAZI WA MABATINI JIJINI MWANZA NYUMBA WANAZOISHI NI ZAIDI YA MAJARUBA YA MPUNGA


Mvua zinazoendelea kunyesha nchini zimeendelea kuleta uharibifu mbalimbali wa miundombinu kama barabara na madaraja na kupelekea baadhi ya huduma muhimu za kijamii kusimama katika maeneo husika kutokana na Uharibifu huo.

Gsengo Tv kwa udamini wa TTCL kupitia kipindi cha KAZI NA NGOMA kinachoruka ndani ya radio Jembe Fm 93.7 mwishoni mwa wiki imeafanya ziara kutembelea eneo korofi jijini Mwanza eneo la Mabatini kuona jamii inaishije na jeh iko salama? Na vipi kuhusu mikakati na mipango yao ya baadae, Jeh atapona mtu na mvua hizi? 

Safiri nasi.......

WAZIRI TIZEBA AAGIZA MKURUGENZI WA BODI YA KOROSHO KUSIMAMISHWA KAZI

Waziri wa wizara ya kilimo Mhe. Dkt Charles Tizeba akizungumza na waandishi wa habari ofisini kwake mjini Dodoma, Jumamosi 21 Aprili 2018. Picha Zote Na Mathias Canal-WK
Waandishi wa habari wakisikiliza kwa makini taarifa ya Waziri wa wizara ya kilimo Mhe. Dkt Charles Tizeba ofisini kwake mjini Dodoma, Jumamosi 21 Aprili 2018.
Katibu Mkuu wa wizara ya kilimo Mhandisi Mathew Mtigumwe akisikiliza maagizo ya kusitisha mkatanba wa kazi wa Mkurugenzi wa Bodi ya Korosho Tanzania, Leo Jumamosi 21 Aprili 2018.

Na Mathias Canal, Wizara ya Kilimo

Waziri wa wizara ya kilimo Mhe. Dkt Charles Tizeba amemuagiza Katibu Mkuu wa Wizara ya kilimo Mhandisi Methew Mtigumwe kusitisha mkataba wa kazi wa Mkurugenzi wa Bodi ya Korosho Tanzania Ndg Hassan Jarufo.

Waziri Tizeba ametoa agizo hilo kwa katibu mkuu wa wizara hiyo leo Jumamosi 21 Aprili 2018 wakati akizungumza na waandishi wa habari ofisini kwake mjini Dodoma ikiwa ni muda mchache mara baada ya kumalizika kwa dhifa ya uwekaji wa jiwe la msingi la ujenzi wa maghala na vihenge vya kisasa.

Akielezea sababu za kuagiza kusimamishwa kazi kwa mkurugenzi huyo, Mhe. Dkt Tizeba alisema kuwa hayo yamejili baada ya kuangalia mwenendo wa Ndg Jarufo na kutafakari jinsi zao la korosho linavyoendeshwa, ikiwa ni pamoja na kutoridhishwa na upatikanaji wa viuwatilifu kwa wakati.

Aidha, Mkataba huo umesitishwa kuanzia leo tarehe 21 Aprili 2018 hivyo Katibu Mkuu wa wizara hiyo atapaswa kufanya taratibu zote za kiutumishi ikiwa ni pamoja na kumpatia taarifa haraka muhusika na utekelezaji wake kuanza haraka.

Alisema ndani ya muda mfupi Wizara ya kilimo itamtangaza Kaimu Mkurugenzi wa Bodi hiyo ili kuchukua nafasi hiyo kuendeleza kusimamia sekta hiyo.

“Hizi hatua tunazochukua ni kuhakikisha kuwa wadau wakubwa wa korosho ambao ni wakulima wanaendelea kunufaika na zao lao, hivyo wakulima wasiwe na wasiwasi kwani pamoja na kuondolewa Mkurugenzi huyo lakini shughuli za serikali zitaendelea kama kawaida na maslahi yao yatasimamiwa ipasavyo” Alikaririwa Mhe. Dkt Tizeba

BAADA YA UJENZI WA MAGHALA NA VIHENGE VYA KISASA KUKAMILIKA (NFRA) ITAKUWA NA UWEZO WA KUHIFADHI TANI 501,000


Kaimu Mtendaji Mkuu wa Wakala wa Taifa wa Hifadhi ya chakula (NFRA) Bi Vumilia L. Zikankuba akitoa taarifa ya Mradi wa Ujenzi wa Maghala na Vihenge vya kisasa vya kuhifadhia chakula wakati wa hafla ya uwekaji wa jiwe la msingi la ujenzi huo Mtaa wa Relini-Kizota Mjini Dodoma, Jana 21 Aprili 2018. Picha Na Mathias Canal-NRFA



Na Mathias Canal, NFRA-Dodoma

Hali ya uzalishaji wa mazao ya chakula nchini inazidi kuimarika huku serikali kupitia wizara ya kilimo ikiwa imejipanga kukabiliana na changamoto ya uchache wa maghala ya kuhifadhia mazao mbalimbali hususani mahindi.

Katika taarifa ya Bi Vumilia L. Zikankuba Kaimu Mtendaji Mkuu wa Wakala wa Taifa wa Hifadhi ya chakula katika hafla ya kuweka jiwe la msingi mradi wa ujenzi wa vihenge na maghala ya kisasa katika Mtaa wa Relini-Kizota Mjini Dodoma aliyoitoa mbele ya mgeni rasmi-Waziri Mkuu wa Jamhuri ya Muungano wa Tanzania Mhe Kassim Majaliwa (Mb) jana tarehe 21 aprili, 2018 alieleza kuwa mradi huo pindi utakapokamilika utafungua fursa kubwa kwa wakulima nchini.

Alisema kuwa Baada ya Mradi huu kukamilika uwezo wa kuhifadhi wa Wakala wa Taifa wa Kuhifadhi Chakula utakuwa mara mbili ya uwezo wa sasa yaani kutoka tani 251,000 hadi tani 501,000 huku ikitarajiwa kufikia Tani 700,000 kufikia mwaka 2025.

Bi Vumilia alieleza kuwa Mikataba ya mradi wa kuongeza uwezo wa kuhifadhi chakula, ilisainiwa na kuanza kazi tarehe 09 Desemba 2017 kati ya (NFRA) na makampuni mawili toka nchini Poland ambayo ni Feerum S.A na Unia Araj Realizacje Sp.o.o. Aidha, mradi huo utatekelezwa kwa gharama ya Dola za kimarekani milioni 55 na unatarajiwa kukamilika ndani ya kipindi cha miezi kumi na nane (18) kuanzia mwezi Mei 2018.

Maandalizi ya awali ya mradi huo yalifanywa na kampuni kutoka nchini Poland iliyofanya upembuzi yakinifu wa awali na kupendekeza gharama za mradi kuwa dola za kimarekani millioni 55 ambazo zingetosheleza kujenga vihenge vyenye uwezo wa Tani 150,000 na maghala yenye uwezo wa Tani 50,000, hivyo kufanya uwezo wa jumla wa mradi kuwa Tani 200,000.

Alisema, ili kujiridhisha zaidi Wakala kupitia Wizara mama, iliunda timu ambayo ilifanya upya tathmini ya mradi na kupata thamani halisi ya mradi (value for money) ili kuleta ushindani katika utekelezaji wa mradi kwa kushirikisha timu ya Wataalamu wa ndani.

Timu hiyo iliundwa na Wahandisi kutoka Tume ya Taifa ya Umwagiliaji, Mhandisi na Wataalamu wa mazingira kutoka TBA pamoja na Mhandisi toka Wizara ya Kilimo. Hivyo timu hiyo ilifanya upya kazi ya usanifu wa msingi, kuandaa makadirio ya gharama za mradi, na kuandaa makabrasha ya zabuni ili kutimiza azma mbili nilizotangulia kuzitaja hapo awali.

Matokeo ya jumla ya kazi hiyo, yalibainisha kuwa kiasi cha fedha Dola milioni 55 kinatosheleza ujenzi wa vihenge vya kisasa vyenye uwezo wa kuhifadhi Tani 190,000, na maghala Tani 60,000 hivyo kufanya ongezeko la hifadhi ya Tani 50,000.

Aidha, Wakala wa Taifa wa Hifadhi ya Chakula unamiliki maghala ya kuhifadhi nafaka 34 yenye uwezo wa jumla ya Tani 251,000. Uwezo huu wa sasa wa maghala hautoshelezi mahitaji ya dharula ya chakula kwa mfululizo wa miezi mitatu kwa akiba isiyo pungua Tani 700,000, hivyo kupelekea uhitaji wa kuongeza uwezo wa uhifadhi.

MWANZA SIKILIZA HII YA TTCL YAANI NI ZAIDI YA DILI.



Kama ulikuwa bado hujastukia dili na michongo bomba kutoka TTCL CORPORATION, basi hii ni fursa yako kujua japo kwa uchache nikiwa na imani kwamba mwisho wa siku kali yako itakuwa "Daaaah!!! laiti kama ningelijua hili mapema ningekuwa mbali" 

Wengi wameliwa na bado wanaliwa fedha zao kupitia manunuzi ya vifurushi vya mitandao mingine isiyo ya kizalendo.

Gsengo Tv imebahatika kukutana na Meneja Masoko wa kampuni hiyo Mr. Aron Nogu, ambaye yuko katika ziara ya siku mbili mkoani Mwanza kukagua huduma za kampuni hiyo.
Askwambe mtu Aron kafunguka vyema sana juu ya huduma mbalimbali za TTCL ambazo kwa sasa zimeboreshwa na kuja na ubunifu unaoendana na mahitaji ya soko la matumizi ya sasa, ubunifu na mbinu ambazo hazipatikani katika mitandao mingine.
TTCL Corporation imechukua hatua ya kuwafuata nyumbani na mahala pa kazi wateja wake na kufanya mapinduzi makubwa ya kimawasiliano. Kupitia huduma zake mpya na zile zilizoboreshwa kama huduma ya Fiber Connect Bundle, TTCL Pesa na kadhalika, ambapo mteja  atapata huduma nne kwa pamoja zikiwa na unafuu mkubwa wa gharama na ubora wa hali ya juu.

RAIS WA SYRIA AKATAA TUZO.

Syria imerejesha kwa Ufaransa tuzo ya Légion d'honneur aliyopewa rais Bashar al-Assad, ikisema kuwa haiwezi kuchukua tuzo kwa taifa ambalo limekuwa 'mtumwa' wa Marekani.

Hatua hiyo inajiri siku moja baada ya Ufaransa kusema kuwa adhabu ya kuikataa tuzo hiyo inakaribia.

Ufaransa hivi majuzi ilijiunga na Ufaransa na Uingreza katika kuishambulia Syria kufuatia madai ya kutumia silaha za kinyuklia dhidi ya raia wake.

Tuzo hiyo ilirudishwa Ufaransa kupitia balozi ya Roma mjini Damascu

Rais Assad alipewa tuzo hiyo ya hadhi ya juu 2001 baada ya kuchukua mamlaka kufautia kifo cha babake.

''Wizara ya maswala ya kigeni imerudisha kwa Jamhuri ya Ufaransa tuzo ya Légion d'honneuri iliopewa rais Assad'', wizara ya kigeni nchini Syria ilisema katika taarifa.

''Sio heshima kwa rais Assad kuvaa tuzo iliotolewa na taifa la utumwa na mshiriki wa taifa la Marekani linalounga mkono ugaidi'', iliongoza.
Takriban watu 3,000 kila mwaka hutuzwa tuzo hiyo ya hadhi ya juu kwa huduma waliotoa kwa Ufaransa ama kwa kutetea haki za kibinaadamu, uhuru wa kujieleza ama sababu kama hizo.

Marekani , Uingereza na Ufaransa zilishambulia vifaa kadhaa vya serikali ya Syria siku ya Jumamosi ili kujibu matumizi ya silaha za kemikali katika mji wa Douma, ambao ndio mji wa mwisho uliokuwa ukikaliwa na waasi katika jimbo la mashariki mwa Ghouta nje ya Damascus.

Zaidi ya watu 40 walifariki katika shambulio hilo la Aprili 7 kulingana na wanaharakati wa upinzani, wafanyikazi wa uokoaji na maafisa wa matibabu.

Serikali ya Syria imekana kutumia silaha za kemikali na kusema kuwa shambulio hilo lilipangwa.

Viongozi wengine waliopokezwa tuzo hiyo ni pamoja na aliyekuwa rais wa Tunisia Zine El Abiine Ben Ali 1989 na rais wa Urusi Vladimir Putin 2006.

Kufikia sasa ni rais mmoja pekee aliyepokonywa taji hilo-rais wa Panama Manuel Norriega. Hivi majuzi Nyota wa Hollywood Harvey Weinstein pia alipokonywa tuzo hiyo baada ya kukabiliwa na mashtaka ya unyanyasaji wa kingono.

Friday, April 20, 2018

CHANJO YA KUZUIA SARATANI YA SHINGO YA KIZAZI SASA YATINGA MKOANI MWANZA


MKUU wa mkoa wa Mwanza John Mongella anatazamiwa kuwa mgeni rasmi wa uzinduzi wa Chanjo ya kuzuia saratani ya shingo ya kizazi, uzinduzi huo utakaofanyika mnamo tarehe 23 mwezi April 2018 katika Hospitali ya Wilaya ya Nyamagana unategemewa kuhusisha zaidi la wasichana 31,291 walio na umri kati ya miaka 9 hadi 14.

Katika semina kwa waandishi wa habari wa jijini Mwanza kwaajili ya kukuza uelewa wa ugonjwa huo wa saratani ya shingo ya kizazi mafunzo mafupi yametolewa ikiwa ni pamoja na taarifa ya uzinduzi.

Waandishi hao pia walipata fursa ya maswali na majibu.
Saratani ya shingo ya kizazi ni saratani ambayo hutokea kwenye shingo ya kizazi cha mwanamke - ambayo ni kiingilio kutoka uke hadi katika mfuko wa uzazi.
Ni moja kati ya zaidi ya aina 100 ya virusi vya human papilloma (HPV), ambavyo 13 vinasababisha saratani.
Pia aina fulani ya HPV vinaambukizwa kwa njia ya ngono.
Baadhi ya sababu za kupata ugonjwa huo ni kushiriki ngono ukiwa na umri mdogo, ukifanya ngono na washiriki wengi , kuvuta sigara na kuwa na virusi vya Ukimwi.
Dalili ni
  • kupata hedhi kwa mzunguko usio wa kawaida au kutoka damu baada ya kujamiana
  • maumivu ya mgongo, mguu na fupanyonga
  • uchovu, kupungua kwa uzito na kutokuwa na hamu ya kula
  • maumivu kwenye uke au kutoa harufu mbaya
  • kuvimba kwa mguu mmoja
Uchunguzi wa virusi hivyo unastahili kufanyika ili kuvigundua mapema. Chanjo za HPV ni hatua nyingine ya kuziuzi.
Matibabu kwa wagonjwa walio na virusi hivyo yanategemea na viwango vya virusi hivyo mwilini, hata hivyo yanaweza hitaji kutibiwa kwa njia ya upasuaji na kutoa sehemu au mfuko wa uzazi mzima au kutumia miyonzi.
Chanzo: Shirika la Afya duniani

Mambo kumi unayoweza kufanya kupunguza hatari ya kuugua saratani:

  • Usivute sigara wala kutumia tumbaku ya aina yoyote
  • Hakikisha nyumbani kwako hamna moshi
  • Kula chakula chenye afya
  • Kunyonyesha kunapunguza hatari kwa mama kuugua saratani
  • Hakikisha watoto wako wanapata chanjo dhidi ya hepatatis B na HPV
  • Epuka kuchomwa sana na miale ya jua, au tumia mafuta yanayo kukinga dhidi ya miale hiyo.
  • Punguza uchafuzi wa hewa ndani na nje ya nyumba
  • Jishughulishe kuupa mwili mazoezi
  • Punguza unywaji wa pombe
  • Jitahidi kufanyiwa ukaguzi wa mapema kutambua uwepo wa saratani.

BREAKING NEWS: MASOGANGE HATUNAYE


Msanii wa filamu za Kibongo na video queen maarufu, Agness Gerald Masogange amefariki dunia katika Hospitali ya Mama Ngoma Mwenge jijini Dar es Salaam kwa kile kilichoelezwa kwamba ni upungufu mkubwa wa damu. Masogange mzaliwa wa Mbeya, ameacha mtoto mmoja, Mungu ailaze roho yake mahali pema peponi, Amina.

VIDEO: TAKUKURU YAWAFIKISHA MAHAKAMANI WALIOKUWA VIONGOZI CHAMA KIKUU CHA USHIRIKA NYANZA.


TAASISI ya Kuzuia na Kupambana na Rushwa (TAKUKURU) Mkoa wa Mwanza, leo imewafikisha mahakamani waliokuwa viongozi waandamizi wa Chama Kikuu cha Shirika, Nyanza Cooperative Union (NCU), kwa tuhuma za ubadhirifu na ufujaji wa mali.

Kaimu Mkuu wa TAKUKURU Mkoa wa Mwanza Susan Mwendi amesema, uchunguzi uliofanywa na TAKUKURU umeeleza kuwa aliyekuwa  Mwenyekiti Jacob Shibiliti na Makamu wake John Magulu ilibainika kati ya Januari 1, 2003 hadi Desemba 31, 2004  waliisababishia hasara NCU jumla ya Tshs.426,400,000 kwa kipindi hicho huku Makamu Mwenyekiti aliisababishia hasara shirika hilo takribani Tshs.332,640,000.

Mwendi amesema kuwa watuhumiwa waliisababishia NCU, hasara kinyume na Aya ya 10(1) ya jedwali la kwanza pamoja na kifungu cha 57(1) na 60(2) vya sheria ya Uhujumi uchumi, sura ya 200 kama ilivyofanyiwa marejeo mwaka 2002.

HATIMAYE WENGER AFUNGUA MLANGO WA KUTOKEA ARSENAL

KOCHA wa Arsenal, Arsene Wenger ameridhia kubwaga manyanga mwishoni mwa msimu huu baada ya majadiliano ya kina na uongozi wa klabu hiyo kongwe duniani.

“Baada ya kutafakari kwa kina kufuatia mazungumzo na klabu yangu, umefika wakati sasa nikae pembeni mwisho wa msimu huu, nina furaha sana kwa muda wote niliokaa hapa klabuni.

“Ninawashukuru wafanyakazi wenzangu, wachezaji, wakurugenzi na mashabiki kwa kuifanya klabu hii kuwa spesho, nimeitumikia kwa miaka mingi” amesema Wenger kwenye taarifa yake rasmi leo Ijumaa.

"I am grateful for having had the privilege to serve the club for so many memorable years.

"I managed the club with full commitment and integrity. I want to thank the staff, the players, the Directors and the fans who make this club so special.
"I urge our fans to stand behind the team to finish on a high. To all the Arsenal lovers take care of the values of the club.
"My love and support for ever."
Club owner Stan Kroenke said it was "one of the most difficult days we have ever had in all our years in sport".
In a statement, he said: "One of the main reasons we got involved with Arsenal was because of what Arsene has brought to the club on and off the pitch. His longevity and consistency over such a sustained period at the highest level of the game will never be matched.
"Arsene has unparalleled class and we will always be grateful to him. Everyone who loves Arsenal and everyone who loves football owes him a debt of gratitude.
"Three Premier League titles, including an entire season unbeaten, seven FA Cup triumphs and 20 successive years in the Champions League is an exceptional record. He has also transformed the identity of our club and of English football with his vision for how the game can be played."
Mr Kroenke said he had "high ambitions" to build on Wenger's "remarkable tenure" and wanted to "honour his vision" by making sure Arsenal could compete for the biggest trophies in the sport..

"We must now focus on making a strong finish to the season and ask our millions of fans around the world to join us in paying appropriate tribute to one of the greats of Arsenal's history and one of the greats of the game," he added.