ZIMA KILA KITU ILA WASHA JEMBE FM 93.7 MWANZA

ZIMA KILA KITU ILA WASHA JEMBE FM 93.7 MWANZA

Friday, May 25, 2018

WAMILIKI WA VIWANDA VYA KUCHENJUA DHAHABU MKOANI MWANZA WAINGIWA HOFU YA KUFUNGA VIWANDA VYAO MARA BAADA YA KUINASA KAULI YA MKUU WA MKOA WA GEITA.


GSENGOtV
WAKATI Serikali ya Awamu ya tano ikikusudia kuanzisha soko la Kimataifa la madini jijini Mwanza ambapo tayari imeshatenga eneo kwaajili ya kuweka soko hilo ambalo licha ya kukuza sekta hiyo bali kudhibiti utoroshwaji wa madini nchini, upande wa pili, Mkuu wa mkoa wa Geita Robert Gabriel analalamikiwa na Umoja wa wamiliki wa viwanda vya uchenjuaji na wanunuzi wa dhahabu Mkoani Mwanza kwa kupiga marufuku wafanyabiashara wa madini kutoka mkoani kwake kusafirisha malighafi inayotumika kubebea dhahabu inayojulikana kama CARBON kwenda jijini Mwanza.

Thursday, May 24, 2018

WATANO KATI YA WALIOTOKA JELA KWA MSAMAHA WA RAIS WAUAWA NA WANANCHI.

Mkuu wa Jeshi la Polisi nchini, IGP Simon
CHANZO/MWANANCHI
Dar es Salaam. Mkuu wa Jeshi la Polisi nchini, IGP Simon Sirro amesema watu watano waliotoka gerezani kwa msamaha wa Rais John Magufuli wameuawa na wananchi baada ya kurejea katika matendo maovu.

Sirro aliyewataka wanaoachiwa huru kwa msamaha wa rais kutorejea katika matendo hayo, ametoa kauli hiyo   leo Alhamisi Mei 24, 2018 mbele ya Waziri Mkuu, Kassim Majaliwa wakati akitoa taarifa ya ujenzi wa vituo vya polisi vya kisasa vya Mburahati, Kiluvya-Gogoni na Mbweni vilivyozinduliwa leo.

“Nia ya Rais Magufuli kuwapa msamaha ilikuwa njema lakini kuna baadhi ya watu wameitumia vibaya fursa hiyo na hadi sasa watu watano wamekwishauawa na wananchi,” amesema.

“Ukitoka gerezani kwa msamaha, maana yake umerekebisha mwenendo wako na wananchi wanatarajia uwe hivyo, lakini kama ukifanya vinginevyo Serikali isilaumiwe.”

Akizungumzia utendaji wa jeshi hilo, Sirro amesema tangu ashike madaraka hayo polisi wamewapeleka askari 1,267 kwenye mafunzo ya medani za kivita na wako imara.

Pia tumepeleka askari wa upelelezi zaidi ya 1,000 kwenye mafunzo ya ujuzi na ustadi wa kupeleleza kesi mbalimbali. Baada ya kuwapa mafunzo haya, tunataka kesi za kawaida upelelezi wake uwe umekamilika ndani ya miezi sita” amesema na kubainisha kuwa kesi kubwa upelelezi wake uwe umekamilika ndani ya miezi 12.

Pia, amemshukuru Rais Magufuli kwa kuwapatia Sh10 bilioni kwa ajili ya ujenzi wa nyumba za askari, kutoa kibali cha ajira kwa askari wapya 1,500 na kuwaruhusu wawapandishe vyeo askari wenye kustahili kuanzia cheo cha koplo hadi naibu kamishna wa polisi (DCP).




THOMAS ULIMWENGU AREJEA AFRIKA.

Mshambuliaji wa kimataifa wa Tanzania Thomas Ulimwengu, amerejea barani Afrika na sasa atajiunga na klabu ya Al Hilal ya nchini Sudani.

Ulimwengu aliyewahi kucheza TP Mazembe kwa mafanikio makubwa akifanikiwa kutwaa mataji mbalimbali likiwemo la Klabu bingwa Afrika, anarejea Afrika baada ya kuachana na klabu ya AFC Eskilstuna iliyokuwa ikishiriki Ligi kuu nchini Sweden kabla ya kushuka daraja msimu uliopita.

Mshambuliaji huyo, anatazamiwa kutua katika klabu hiyo ya Al hilal na taarifa za awali zinaeleza kuwa atasaini mkataba wa miaka miwili kukitumikia kikosi hicho.
Hapo awali aliwahi kucheza na mtanzania mwenzake Mbwana Samatta katika klabu ya TP Mazembe na kwa sasa pacha wake huyo anahudumu katika kikosi cha KRC Genk ya nchini Ubelgiji.

ZIARA YA KATIBU MKUU, MAALIM SEIF SHARIF HAMAD KATIKA JIJI LA MWANZA:




THE CIVIC UNITED FRONT
(CUF –Chama Cha Wananchi)
THE DIRECTORATE OF INFORMATION, PUBLICITY AND PUBLIC RELATION
P.O. BOX 3637 Zanzibar, Tanzania
TAARIFA KWA UMMA NA VYOMBO VYA HABARI
ZIARA YA KATIBU MKUU, MAALIM SEIF SHARIF HAMAD KATIKA JIJI LA MWANZA:
Leo Tarehe 23/5/2018 saa 10 Jioni Katibu Mkuu, Maalim Seif Sharif Hamad atawasili Jijini Mwanza na kupokelewa na Wanachama na Viongozi wa CUF wa ngazi mbalimbali za Chama. Katibu Mkuu ataongozana katika msafara huo na Naibu Katibu Mkuu Zanzibar Mhe. Nassor Ahmed Mazrui na Naibu Mkurugenzi wa Habari, Uenezi na Mahusiano na Umma Mhe. Mbarala Maharagande, atakuwa Mwanza kwa ziara ya siku Tatu baada ya kupata mualiko kutoka kwa Muungano wa Klabu za Waandishi wa Habari Tanzania (UNION OF TANZANIA PRES CLUB-UTPC) yenye makao yake Makuu Mkoani Mwanza. UTPC- kwa sasa ina klabu wanachama (Press Clubs) 28 toka Tanzania Bara na Visiwani.
UTPC kwa kushirikiana na vyombo vya Habari inaendesha kipindi cha TUJADILIANE kinachowakutanisha waandishi wa Habari kutoka katika redio zote zilizopo Mkoani Mwanza, TV pamoja na magazeti na imekuwa ikiwaalika wageni kutoka Serikalini, Asasi za kiraia, na watu mashuhuri wakiwemo wanasiasa kutoka hapa nchini. Pamoja na shughuli zingine kesho Tarehe 24/5/2018 kuanzia saa 5 kamili asubuhi katika ukumbi wa hotel ya JB BELMOUNT Jijini Mwanza atashiriki katika kipindi maalumu cha TUJADILIANE. Katika kipindi hicho Maalim Seif atapata fursa kuelezea masuala mbalimbali ya kisiasa, kiuchumi na jamii kwa ujumla na pia atapata fursa ya kuelezea DIRA YA CUF, MWELEKEO WA CUF, MAFANIKIO YA CUF, CHANGAMOTO ZINAZOIKABILI CUF NA NAMNA YA UTATUZI WAKE.
Katibu Mkuu, Maalim Seif atakutanishwa na waandishi wa habari wa Jijini Mwanza na mahojiano ya kipindi hicho yatarushwa MUBASHARA “LIVE” kupitia mitandao ya kijamii hususani Facebook, na pia yatasikika kupitia Radio SAUT, RFA, Kiss FM, Afya Radio, Metro FM, Radio Sengerema, HSC, Living water, Ukombozi FC, Iqra FM, Kwa Neema Radio za Jijini Mwanza na Safari FM ya Mkoani Mtwara. Pia kupitia Facebook Account ya Julius Mtatiro na links zingine mbalimbali. Na baadae katika vipindi vya Television. Pamoja na kuwa uso kwa uso na jopo la waandishi wa habari Jijini Mwanza, mahojiano hayo yatakayoongozwa na Ndugu Dotto Emmanuel Bulendu.
Tunapenda kuchukua fursa hii kuwajulisha rasmi Programu hiyo kwa ufuatiliaji na kama kuna masuala ambayo unahitaji Maalim Seif aulizwe usisite kututumia na au kumtumia mratibu wa kipindi hicho Dotto Bulendu kupitia akaunti yake ya Facebook.
HAKI SAWA KWA WOTE
………………………
SALIM BIMANI
MKURUGENZI WA HABARI, UENEZI NA MAHUSIANO NA UMMA
MAWASILIANO: 0777 414 112/ 0752 325 227
Imetolewa leo Tarehe 23/5/2018

MKONO WA MAMA JANET MAGUFULI BADO UNAHITAJIKA KITUO CHA KULEA WAZEE BUKUMBI MWANZA


GSENGOtV
Bado wazee wanaoishi katika kituo cha ustawi wa Jamii cha Bukumbi kijiji cha Kigongo kata ya Idetemya wilayani Misungwi mkoani Mwanza wanaishi kwenye mazingira magumu.

 Wakiwa ndani ya makazi yao, mnamo tarehe 7 April 2018 Katika kuadhimisha Kumbukumbu ya kifo cha Rais wa Kwanza wa Zanzibar Hayati Abeid Amani Karume, wazee hao wanatembelewa na wadau wa Asasi isiyokuwa ya kiserikali ya 'METDO Tanzania' iliyoambatana na waandishi wa habari kutoka Jembe Fm pamoja na waimbaji wa Muziki wa Injili toka mkoa wa Mwanza wenye kundi lao linalioitwa 'The Chosen Generation' ambapo wazee hao wanapaza sauti zao juu ya masaibu na changamoto wanazokumbana nazo, wakiomba salamu hizo zifike kwa First lady wa Tanzania 'Mama Janet Magufuli' pamoja na wananchi wenye mapenzi mema.
.   

UTEUZI ALIOUFANYA JPM SAA CHACHE ZILIZOPITA.

Rais wa Jamhuri ya muungano wa Tanzania Dkt. John Pombe Magufuli amefanya uteuzi wa  mwenyekiti wa Bodi ya wakurugenzi  ya chai Tanzania (TBT) na Mkurugenzi  wa Taasisi ya Utafiti wa kilimo Tanzania (TARI).

Katika taarifa ilitolewa na Ofisi ya Kurugenzi Mawasiliano Ikulu leo Mei 23, 2018 imeeleza kuwa Mhandisi Steven Daudi Mlote, ameteuliwa kuwa mwenyekiti wa Bodi ya wakurugenzi ya chai Tanzania (TBT) na kuongeza kuwa Mhandisi Mlote anachukua nafasi iliyoachwa wazi na mtangulizi wake Mh. Anne Makinda ambae amemaliza muda wake.

Kwa mujibu wa taarifa hiyo imeongeza kwamba uteuzi wa Mhandisi Mlote ulianza Mei 21, 2018.

Sambamba na hayo Rais Dkt John Magufuli amemteua Dkt. Geofrey Mkamilo kuwa Mkurugenzi mkuu wa Taasisi ya Utafiti wa kilimo Tanzania (TARI),  uteuzi wake umeanza Mei 22, 2018 na anachukua nafasi ya Dkt. Fidelis Angelo Myaka ambaye amestaafu.

TUZO YA MCHEZAJI BORA LIGI KUU KUTOLEWA JUNI 23.


Tuzo ya Mchezaji Bora wa Ligi Kuu ya Vodacom (VPL) Tanzania Bara inatarajiwakufanyika Juni 23 mwaka huu ukumbi wa Mlimani City, Dar es Salaam.

Kufanyika kwa tuzo hizo ni utaratibu ambao Shirikisho la Mpira wa Miguu Tanzania (TFF), limejiwekea kila mwaka baada ya kumalizika ligi kutoa tuzo kwa waliofanya vizuri kwa kushirikiana na Wadhamini wakuu wa VPL Kampuni ya Simu za mkononi ya Vodacom Plc na msimu huu tutakuwa na washirika wengine Azam Tv, Benki ya KCB na Premier Bet

Licha ya Tuzo ya Mchezaji Bora wa mwaka wa ligi, pia kunatolewa tuzo mbalimbali, ambapo kwa mwaka huu tuzo moja imeondolewa na nyingine imeongezwa ikiwa ni katika kuboresha.

Tuzo iliyoondolewa ni ya Mchezaji Bora wa Kigeni na imefanyika hivyo ili kuwapa fursa wachezaji wote kuwania Tuzo ya Mchezaji Bora wa VPL badala yakuwatenganisha.

Pia msimu huu imongezwa Tuzo ya Mwamuzi Bora Msaidizi ambayo haikuwepo msimu uliopita, hiyo ni kutokana kuthamini nafasi ya waamuzi wasaidizi.

Kwa mazingira hayo tuzo zitakazotolewa Juni 23, ambapo wadhamini wakuu ni Kampuni ya simu za mkononi ya Vodacom ni hizi zifuatazo:

Bingwa
Mshindi wa Pili
Mshindi wa Tatu
Mshindi wa Nne
 Mfungaji Bora
Timu yenye nidhamu
U20 Player (Tuzo ya Ismail Khalfan)
Mchezaji Bora Chipukizi
Mwamuzi Bora Msaidizi
Mwamuzi Bora
Kipa Bora
Kocha Bora
Goli Bora
VPL Best Eleven
Mchezaji wa heshima

Zawadi kwa kila kategori pamoja na majina ya wanaowania tuzo ukiacha bingwa, mshindi wa pili, wa tatu, wa nne na mfungaji bora ambao hujulikana kulingana na ligi inavyoendelea zitatangazwa siku za usoni.

Wednesday, May 23, 2018

AIRTEL NA VETA WASHIRIKIANA KUANDAA KONGAMANO LA ELIMU KUPITIA MTANDAO.

Godfrey Magila kutoka taasisi ya DTBi akitoa mada wakati kongamano la elimu kupitia mtandao yenye lengo la kuhamasisha kusoma kwa kujitengemea kwa miongoni mwa vijana hapa nchini kupitia teknologia ya VSOMO. Kongamano hilo liliandaliwa na Airtel Tanzania kwa kushirikiana na Mamlaka ya Elimu ya Ufundi Tanzania VETA na DTBi
 Mkurugenzi wa Mawasiliano Airtel Tanzania Beatrice Singano akitoa mada wakati kongamano la elimu kupitia mtandao yenye lengo la kuhamasisha kusoma kwa kujitengemea kwa miongoni mwa vijana hapa nchini kupitia teknologia ya VSOMO. Kongamano hilo liliandaliwa na Airtel Tanzania kwa kushirikiana na Mamlaka ya Elimu ya Ufundi Tanzania VETA na DTBi

 Mratibu wa VSOMO kutoka Mamlaka ya Elimu ya Ufundi Tanzania VETA Charles Mapuli  akitoa mada wakati kongamano la elimu kupitia mtandao yenye lengo la kuhamasisha kusoma kwa kujitengemea kwa miongoni mwa vijana hapa nchini kupitia teknologia ya VSOMO. Kongamano hilo liliandaliwa na Airtel Tanzania kwa kushirikiana na Mamlaka ya Elimu ya Ufundi Tanzania VETA na DTBi

Kampuni ya simu za mkononi ya Airtel Tanzania kwa kushirikiana na Mamlaka ya Elimu ya Ufundi Tanzania VETA wameshiriki kongamano la elimu kupitia mtandao yenye lengo la kuhamasisha ubunifu kwa vijana na kuonesha jinsi kijana anavyoweza kusoma kwa kujitengemea kwa kutumia ubunifu wa  aplikesheni ya VSOMO inayotoa  elimu kwa mtandao.
Kwa miaka miwili sasa, VETA kupitia applikesheni ya VSOMO imekuwa ikitoa elimu kupitia mtandao kwa wanafunzi ambao wanataka kupata elimu ya ufundi stadi kwa udhamini wa Airtel Tanzania.
Akizungumza jijini Dar es Salaam leo wakati wa kongamani hilo, Mkurugenzi wa Mawasiliano Airtel Tanzania Beatrice Singano alisema kampuni ya Airtel iliamua kuwa mmoja wa wadau wa teknolojia hii ya kutoa elimu ya VSOMO ikiwa ni moja wa mkakati wake wa kurudisha sehemu ya faida yake katika kusaidia Jamii. Kwa kuweza kutambua umuhimu wa Jamii inayotuzunguka, tuna miradi ya kusaidia vijana kujikwamua yenye lengo ya kuwapa vijana ujuzi ili wajiajiri au wapate ajira kwenye sekta mbali mbali ili kuunga mkono juhudi za serikali za kujenga uchumi wa viwanda.
Airtel Tanzania inayo furaha kuona kuwa matumizi ya smartphone yakiwa ni darasa au ikiwa ni moja ya njia ya kutumika kupata elimu ya ufundi. Hii haiukuwa rahisi kufanya peke yetu ndio sababu tuliamua kushirikiana na VETA kama taasisi ya serikali yenye mamlaka ya kutumia elimu ya ufundi hapa nchini huku DTBi wakiwa ndio waliombuni applikesheni ya VSOMO, alisema Singano.
Airtel na washirika wake VETA na DTBi kwa sasa wana utaratibu mpya wa malipo kwa awamu ili kuwezesha wanafunzi wanaotaka kupata elimu ya ufundi stadi kufanya bila kupata changamoto za kulipa karo, aliongeza Singano.
Mkuu wa chuo cha VETA Kipawa Injinia Sospeter Dickson Mkasanga alisema kuwa teknolojia imekuwa sana katika dunia ya leo na Tanzania kama nchi pia imefaidika sana. Kwa kutumia teknolojia, kila kitu sasa kinawezekana. Ni kwa kutumia teknolojia tumeweza kutoa elimu ya ufundi stadi kwa zaidi ya vijana 100 wakiwa hawapo darasani. Hii ni kitu ya kujivunia kwa sababu vijana hao wameweza kujiajiri na wengine wameajiri kwenye sekta mbali mbali kwa tunawakabidhi vyeti baada ya kumaliza elimu yao, alisema Mkasanga.
VSOMO imeweza kuwa mkombozi wa elimu ya ufundi stadi kwa kutumia teknolojia. Kwa kutumia simu za  smartphone, wanafunzi wanapata ufundi stadi wa kozi yeyote wayohitaji. Naomba nitoe wito kwa vijana wote nchini ambao wangependa kupata elimu ya ufundi stadi wajiunge na wapakue applikesheni ya VSOMO kwani ni rahisi na pia malipo ya kozi ni nafuu, aliongeza Mkasanga.
Kwa upande wake, Godfrey Magila kutoka DTBi alisema kuwa ili kufanya teknolojia iwe na tija kwa Jamii, ni muhimu kwa Jamii kupata elimu ya umuhimu na matumizi ya teknolojia ili kufaidika nayo na pia kufanya baadhi ya mambo yawe rahisi katika maisha yao.

Jamii zetu zinapata changamoto kufikia malengo yao. Kwa sasa, teknolojia imekuwa kwenye vidole vyetu na ndio sababu watu wengi wanatumia smartphone ambazo zina uwezo wa kuweka memori kubwa. Kama Jamii yetu ingeweza kutambua na kuelewa elimu iliyopo kwenye smartphone hizo ingekuwa ni jambo la maana, alisema Magila.

Tangu kuzinduliwa kwa VSOMO Juni 2016, inaonyesha kuwa zaidi ya vijana 30,000 washapakua applikesheni ya VSOMO huku zaidi ya 10,000 wakijisajili na zaidi ya 100 wakiwa tayari washamaliza kusoma kupitia applikesheni hiyo na kukabidhiwa vyeti vyao.

Kozi ambazo ulitolewa ni Huduma ya chakula na mbinu za kuhudumia wateja, Matengenezo ya kompyuta, umeme wa viwandani, ufundi Bomba wa Majumbani , Umeme wa magari, Ufundi umeme wa manyumbani, Ufundi pikipiki, Ufundi wa simu za mkononi, Ufundi Alluminium,  Utaalamu wa maswala ya urembo pamoja ma Ufundi wa kuchomea vyuma

BENKI YA CRDB NA JESHI LA MAGEREZA KUENDELEA KUBORESHA UHUSIANO WA KIBISHARA

Mkurugenzi Mkuu wa Benki ya CRDB, Dkt. Charles Kimei (kushoto) akizungumza na baadhi ya maafisa waandamizi wa Jeshi la Magereza nchini, juu ya kuangalia njia bora za kudumisha uhusiano baina ya Benki ya CRDB na Jeshi la Magereza nchini, katika Makao Makuu wa Magereza, jijini Dar es salaam, Mei 23, 2018. Kulia ni Kamishna Jenerali wa Jeshi la Magereza nchini, Dkt. Juma Malewa. 

Mkurugenzi Mtendaji wa Benki ya CRDB Dokta Charles Kimei leo amekutana na Mkuu wa Jeshi la Magereza nchini Dokta Juma Malewa ili kuangalia njia bora zaidi za kudumisha na kuboresha uhusiano baina ya pande zote mbili. Akizungumza katika mkutano huo ambao pia ulijumuisha maafisa waandamizi kutoka Benki ya CRDB na Jeshi la Magereza, Dokta Kimei alilishukuru Jeshi hilo kwa kuwa mdau mkubwa wa Benki kupitia mikopo, akaunti za mishahara za askari na SACCOSS ya Magereza ambayo kwa muda mrefu imekuwa ikitoa huduma kwa askari Magereza.

“Nichukue fursa hii kulishukuru Jeshi la Magereza kwa biashara ambayo limekuwa likitupatia, niipongeze SACCOSS ya Magereza kwa uamuzi wa kuwa Wakala wa FahariHuduma, hii si tu itawaongezea kipato kupitia kamisheni za uwakala, pia itasogeza huduma za kibenki karibu na Maaskari Magereza”, alisema Dokta Kimei.

Kamishna Jenerali wa Jeshi la Magereza nchini, Dkt. Juma Malewa akizungumza katika kikao na uongozi wa Benki ya CRDB, uliomtembelea ofinisi kwake, Makao Makuu ya Magereza jijini Dar es salaam. Kushoto ni Mkurugenzi Mkuu wa Benki ya CRDB, Dkt. Charles Kimei. 


Akielezea juu ya fursa mbalimbali zinazotolewa na Benki ya CRDB kwa wafanyakazi Dokta Kimei alisema hivi karibuni Benki imeshusha riba inayo toza katika mikopo binafsi toka 20% mpaka 17%, muda wa marejesho umeongezwa toka miezi 72 hadi miezi 84, wakati kiwango cha kukopa kimeongezwa kutoka shilingi milioni 50 mpaka kufikia Shilingi Milioni 100 hivyo kuwapa wateja wigo mpana zaidi wa kukopa ili kufikia malengo.
Dokta Kimei pia alitumia fursa hiyo kuwahamasisha askari wa Jeshi la Magereza kuchangamkia fursa hiyo ya mikopo huku akibainisha ya kuwa Benki ya CRDB imeanzisha utaratibu maalum wa kununua madeni na mikopo ya askari kutoka katika Taasisi zingine za Kifedha. Hivyo kutoa fursa kwa askari wenye mikopo Benki nyingine, kukopa toka Benki yao pendwa ya CRDB. Mpaka kufikia mwisho wa mwezi Aprili 2018 tayari Benki ya CRDB ilikuwa imeshakopesha zaidi ya maofisa 5,415 wa Jeshi la Magereza ambapo jumla ya shilingi 29.4 bilioni zilikuwa zimekopeshwa kwao.
Mkurugenzi Mkuu wa Benki ya CRDB, Dkt. Charles Kimei (kushoto) akimkabidhi zawadi maalum, Kamishna Jenerali wa Jeshi la Magereza nchini, Dkt. Juma Malewa, wakati alipomtembelea ofisini kwake, Makao Makuu wa Magereza, jijini Dar es salaam, Mei 23, 2018. Mkutano huo ulikuwa na lengo kudumisha uhusiano wa kibiashara baina ya Benki ya CRDB na Jeshi la Magereza nchini. 


Mkuu wa Jeshi la Magereza nchini Dokta Juma Malewa alimshukuru Dokta Kimei kwa kutembelea Jeshi hilo na kuipongeza Benki ya CRDB kwa maboresho hayo katika huduma zake, huku akiisifu zaidi huduma ya Salary Advance ambayo alisema kwa kiasi kikubwa imesaidia kuboresha maisha ya askari. Dokta Malewa alisema katika maboresho hayo yanayoendelea Jeshi la Magereza lingependa kutumia mfumo wa kibenki katika kukusanya mapato yake katika miradi na huduma mbalimbali ili kuongeza ufanisi katika ukusanyaji wa mapato.

“Nikuombe Dokta Kimei na uongozi mzima wa Benki ya CRDB kuona uwezekano wa kuweka huduma za kibenki kama ATM na Matawi kwenye maeneo ya Magereza yenye uhitaji mkubwa wa huduma hiyo”, aliongezea Dokta Malewa. Dokta Malewa pia aliiomba Benki ya CRDB kushiriki katika miradi mbalimbali ya Maendeleo inayotekelezwa na Jeshi hilo ikiwamo ujenzi wa hospitali ya Jeshi la Magereza Ukonga, miradi ya Kilimo cha kisasa na chenye tija, mradi wa kokoto Msalato pamoja na uwekezaji katika miradi ya viwanda vidogo vidogo.
Baadhi ya Maafisa waandamizi wa Jeshi la Magereza nchini, wakiongozwa na Naibu Kamishna wa Jeshi hilo, Kamishna Festo Sanga (wa kwanza kulia) wakati wa kikao maalum na uongozi wa Benki ya CRDB, uliotembelea Makao Makuu ya Magereza, jijini Dar es salaam leo.
“Ningependa kuona pia Benki ya CRDB kuwa mteja wa bidhaa na huduma zinazotolewa na Jeshi la Magereza mfano Benki kutumia samani za ofisi na Magereza kupewa Kandarasi za ujenzi wa miradi ya Benki inayodhaminiwa au kumilikiwa na Benki”, aliongezea Dokta Malewa akionyesha fursa ya kibiashara iliyopo baina ya Benki na Jeshi la Magereza.

Dokta Kimei alimhakikishia Mkuu wa Jeshi la Magereza kuwa Benki ya CRDB ipo tayari kushirikiana na Jeshi hilo katika miradi mbalimbali ambayo wamepanga kuitekeleza, huku akihaahidi kutuma timu ya wataalam kutoka Benki ya CRDB kufanya upembuzi yakinifu juu ya kuweka ATM na kufungua vito vya kutolea huduma katika maeneo ya Jeshi la Magereza ilikufikisha huduma kwa akari kwa urahisi.

Mkurugenzi wa Masoko, Utafiti na Huduma kwa Wateja wa Benki ya CRDB, Tully Mwambapa akieleza jambo kwa Kamishna Jenerali wa Jeshi la Magereza nchini, Kamishna Juma Malewa (hayupo pichani) katika kikao kilichofanyika Makao Makuu ya Magereza, jijini Dar es salaam leo.

“Matarajio yangu ni kuona uhusiano baina yetu ukikua zaidi, naihidi kuwa kupitia Wakurugenzi na Mameneja wetu wa matawi tutaweka utaratibu wa kutembelea ofisi za Magereza nchi nzima ili kuhakikisha haya tuliyokubaliana hapa yanatekelezwa”, alisema Dokta Kimei.

Mkutano huo ulimalizika kwa Benki ya CRDB na Jeshi la Magereza kutengeneza kikosi kazi cha kufuatilia utekelezaji wa maazimio ambapo Kamishna Gaston Sanga Mkurugenzi wa Utawala, fedha na Rasimali watu wa Jeshi la Magereza alichaguliwa kuwa Mwenyekiti akisaidiwa na Mkurugenzi wa Wateja Wadogo na wakati wa Benki ya CRDB Bi. Jesica Nyachiro. Dokta Kimei pia alimuomba Mkurugenzi wa Masoko wa Benki ya CRDB Bi. Tully Mwambapa kuona namna ambavyo Benki ya CRDB itaweza kuunganisha shughuli zake za misaada kwa jamii na Jeshi la Magereza.



Katika mkutano huo Benki ya CRDB iliahidi kutoa msaada wa kompyuta na vitendea kazi vingine kwa Jeshi la Magereza ili kuongeza ufanisi wa Jeshi hilo. Hadi kufikia mwishoni mwa mwezi April 2018, Benki ilikuwa pia imeshafungua zaidi ya Akaunti elfu tatu (3,000) za mishahara kwa askari wa Jeshi la Magereza.
Mkurugenzi Mkuu wa Benki ya CRDB, Dkt. Charles Kimei akizungumza.
Baadhi ya Maafisa wa Benki ya CRDB, wakiwa kwenye kikao hicho.
Mkurugenzi Mkuu wa Benki ya CRDB, Dkt. Charles Kimei (kushoto) akimkabidhi zawadi maalum, Kamishna Jenerali wa Jeshi la Magereza nchini, Dkt. Juma Malewa, wakati alipomtembelea ofisini kwake, Makao Makuu wa Magereza, jijini Dar es salaam, Mei 23, 2018. Mkutano huo ulikuwa na lengo kudumisha uhusiano wa kibiashara baina ya Benki ya CRDB na Jeshi la Magereza nchini.
Picha ya pamoja.

Tuesday, May 22, 2018

VIDEO: JAMBAZI MMOJA AUAWA KWA KUPIGWA RISASI NA POLISI HUKU MWENZAKE AKIFANIKIWA KUTOROKA BAADA YA KUPORA GARI WILAYANI SENGEREMA.



GSENGOtV
Wananchi waliokuwa eneo la tukio walimkuta Ou Houjing ambaye ni raia wa China akihangaika huku na kule njiani kuelekea jijini Mwanza akitokea wilayani Sengerema akiomba msaada, baada ya jamaa huyo aliyeuawa akishirikiana na dereva wake kudaiwa kufanikisha mbinu ya kumuhadaa mfanyabiahsra Houjing na hatimaye kutoroka na gari ambalo hata hivyo baadaye lilinaswa na polisi.

TUZO YA GAVANA BORA AFRIKA 2018 YANYAKULIWA NA MTANZANIA.


Gavana Mstaafu wa Benki Kuu ya Tanzania (BoT), Prof. Benno Ndulu, leo May 22, 2018 ametunukiwa tuzo ya Gavana Bora Barani Afrika kwa mwaka 2018 inayotolewa na jarida maarufu la African Banker.

Sherehe za kutoa tuzo hizo, zimefanyika jijini Busan, Korea Kusini, katika mikutano ya mwaka
ya Benki ya Maendeleo ya Afrika (AfDB) inayoendelea.

“Hii tuzo nimepewa mimi kutokana na mchango mkubwa kutoka BoT wakati wa uongozi wangu. Kwa hiyo, tuzo hii ni heshima kubwa kwangu na kwa Benki Kuu ya Tanzania,” alisema katika mahojiano jijini DSM.

“Awali niliwaomba waandaaji nao walikubali kwamba Dkt. Namajeje Weggoro, Mkurugenzi Mtendaji wa AfDB, Kanda ya Afrika Mashariki apokee tuzo hiyo kwa niaba yangu. Sikujua kama Naibu Gavana wa BoT, Julian Banzi Raphael, anashiriki katika mikutano ya AfDB, vinginevyo yeye ndiye angepokea kwa niaba yangu,” alisema Prof. Ndulu

Kwa mujibu wa Mkurugenzi Mkuu wa jarida la African Banker, Omar Ben Yedder, Prof. Ndulu ametunukiwa tuzo hiyo kutokana na mchango wake mkubwa katika kukuza huduma jumuishi za kifedha na kuchangia katika kuhakikisha zaidi ya asilimia 70 ya Watanzania wanafikiwa na huduma rasmi za kibenki.

MSOMI ANAPOHARIBU HUCHAFUA HADHI YA KIWANGO CHA ELIMU YAKE ASEMA MBUNGE WA KAHAMA


GSENGOtV

Hekima za Mbunge wa Kahama Dr. Jumanne Kishimba zamkuna Spika wa Bunge la Jamhuri ya Muungano wa Tanzania Job Ndugai, pale alipoamua kuainisha kasoro zilizopo Wizara ya Uvuvi akiambatanisha na zile za Wizara ya Mifugo.

Uzoefu, Ukongwe, na Busara vimetawala kinywa chake katika uwasilishaji na hapa anasema 'Msomi anapoharibu huchafua hadhi ya kiwango cha elimu yake' Jeh kwa maana hiyo baadhi ya mawaziri kwa kuvurunda kwao wamekosa sifa?

BAO LA THABAN KAMUSOKO KWA FREE KICK: YANGA SC vs MBAO FC (VPL 22/05/2018)


Kiungo Thabani Kamusoko alipoitanguliza Yanga SC kwa free – kick ya hatari dhidi ya Mbao FC, katika mchezo wa Ligi Kuu Tanzania Bara, kwenye dimba la Taifa Dar es Salaam. Tazama Azam Sports 2

Klabu ya soka ya Yanga leo imefanikiwa kuibuka na ushindi wa bao 1-0 dhidi ya Mbao FC na kuimaliza ukame wa ushindi kwenye timu hiyo uliodumu kwa mechi tisa tangu kocha Lwandamina aachane na timu.

Kabla ya mechi ya leo Yanga ilikuwa inapitia kipindi kigumu cha kutoonja matokeo ya ushindi, ikiambuliwa vipigo vitano na sare nne kwenye mechi hizo zilizopita katika mashindano yote.

Hata hivyo ushindi wa leo umekua wa kwanza kwenye ligi, tangu walipofungwa na Simba bao 1-0 na wakaenda mechi tatu zaidi bila ushindi wakifungwa na Prisons, Mtibwa na Mwadui FC.

Kwa ushindi wa leo, Yanga imefikisha alama 51 kwenye mechi 29 na kuendelea kuwa katika nafasi ya tatu nyuma ya Azam FC yenye alama 55 na Simba yenye alama 68 kileleni.

Ligi kuu ya Tanzania yenye timu 16 sasa imebakiza raundi moja kumaliza msimu wa 2017/18 na kusubiri msimu ujao ambao utashuhudia timu 20 zikisaka ubingwa wa ligi hiyo na nafasi ya kuwakilsha nchi kimataifa.

BANK OF AFRICA ORGANISES AN IFTAR DINNER FOR CUSTOMERS IN DAR ES SALAAM

The Deputy Managing Director of BANK OF AFRICA – TANZANIA, Mr. Wasia Mushi delivers his welcoming remarks at the bank’s IFTAR Dinner at the Serena Hotel in Dar es salaam.

The Deputy Managing Director of BANK OF AFRICA – TANZANIA, Mr. Wasia Mushi in a jovial moment as he welcomes some of the esteemed clients of the bank who attended the bank’s IFTAR Dinner at the Serena Hotel on 18th May 2018.

The CEO and Managing Director of BANK OF AFRICA- TANZANIA, Mr. Ammish OWUSU-AMOAH, deliver his speech during the bank’s IFTAR Dinner at Serena Hotel. The event brought together the CEO of the GROUP BANK OF AFRICA, Mr. Amine BOUABID, senior officials from BANK OF AFRICA GROUP, representatives from BOA KENYA, BOA UGANDA, BOA RWANDA and BOA GHANA, leaders from the Muslim fraternity and clients of bank.

The Board Chairperson of BANK OF AFRICA- TANZANIA, Ambassador Mwanaidi .S. Maajar deliver his speech during the bank’s IFTAR Dinner at Serena Hotel. The event brought together the CEO of the GROUP BANK OF AFRICA, Mr. Amine BOUABID, senior officials from BANK OF AFRICA GROUP, representatives from BOA KENYA, BOA UGANDA, BOA RWANDA and BOA GHANA, leaders from the Muslim fraternity and clients of bank.

Staff of BANK OF AFRICA and clients saving themselves with different assortments of food at the at the bank’s IFTAR Dinner at Serena Hotel, Friday 18th May 2018.

Staff of BANK OF AFRICA and clients saving themselves with different assortments of food at the at the bank’s IFTAR Dinner at Serena Hotel, Friday 18th May 2018.

MATOKEO YA AWALI YA KURA ZA MAONI BURUNDI.



Upande unaotaka katiba ifanyiwe mabarekebisho nchini Burundi ambao pia unaoungwa mkono na Rais Nkurunziza, unaongoza katika matokeo ya awali ya kura hiyo ya maoni iliyopigwa Alhamisi 17.05.2018. Upande huo wa 'Ndio'unatarajiwa kushinda hali itakayomwezesha Nkurunziza kuwa madarakani kwa miaka mingine 16.

CCM TARIME WATOA KAULI NZITO BAADA YA KIKAO CHA KAMATI YA SIASA.



Na. Clonel Tarime
Uongozi wa CCM Wilayani Tarime umemtaka mkuu wa Wilaya hiyo Glorious Luoga kuwapisha katika Wilaya hiyo kwa kile kilichodaiwa kuwa ni kushindwa kutatua matatizo ya wananchi wanyonge jambo ambalo limesababisha baadhi ya wazee kuhangaika ikiwemo kupingwa na kunyanyaswa kikatiri na kunyanganywa maeneo yao bila kujua wapi pakwenda

Hayo yamesemwa na Mwenyekiti wa Chama Cha Mapinduzi Wilayani Tarime Mkoani Mara Marwa Daudi Ngicho akiongea na Vyombo vya habari ofisini kwake hii leobaada ya kikao cha Kamati ya Siasa nakutoa Maamuzi ya Pamoja nakusema kuwa wameamua kutoa kauli hiyo ya kumuomba Rais wa Jamhuri ya Muungano wa Tanzania Mh John Pombe Magufuli kumuondoa mkuu huyo  wa Wilaya hiyo jambo litapelekea maendeleo na haki sawa kwa wananchi wanyonge

Kauli hiyo imetolewa baada ya uongozi wa CCM  Wilaya kumuita kwa ajili ya mazungumzo kuona  jinsi ya kuwasaidia wananchi na kupata suluhu ya migogoro mbalimbali  iliyopo katika Wilaya hiyo na kutohudhuria kikao hicho huku wakimtuhumu kukwamisha ushindi wa CCM ujao pindi akiendelea kusalia katika Wilaya hiyo kutokana  na kuonekana anaunga mkono  CHADEMA.


'Anasema CCM hawana siri bora CHADEMA wana siri sasa  mtu  huyo  hatufai kama wana ccm na akiendelea kukaa katika Wilaya yetu hakika  ccm haiwezi kushinda uchaguzi ujao wa ngazi mbalimbali ,alisema  Ngicho

ANAYEKUTANA NA BIDHAA BANDIA SOKONI SASA KUSHTAKI KWA NJIA YA SIMU.



GSENGOtV
Katika kuendelea kupambana na bidhaa bandia nchini, sasa mwananchi atawasiliana moja kwa moja kwa njia ya simu na Mamlaka ya Chakula, Dawa na Vipodozi (TFDA) na atapewa maelekezo ya anachotakiwa kufanya  kupata haki yake.

Hayo yamesemwa May 21 jijini Mwanza na Kaimu Mkurugenzi wa Mamlaka ya Chakula, Dawa na Vipodozi Bi. Agnes Kijo mbele ya Mkuu wa Mkoa wa Mwanza John Mongella ambaye ndiye aliyekuwa mfunguzi wa kusanyiko, wakati akiwasilisha mada katika semina ya elimu kuzijua sheria za Mamlaka hiyo kwa waandishi wa habari 

Awali ilibidi mhusika kuandika malalamiko yake na kuyatuma kwa barua pepe, au kufika ofisini jambo liliowawia vigumu watu wengi kufuatilia haki zao.

Bi. Agnes ametaja namba hiyo kuwa ni 0800 11 00 84 itakayotumika kupokea taarifa na malalamiko kutoka kwa wafanyabiashara na walaji kuhusiana na changamoto wanazokabiliana nazo sokoni.

Monday, May 21, 2018

CHADEMA YAWAVUA UANACHAMA WA 3 KWA USALITI.

Mwenyekiti wa Baraza la Vijana la Chadema (BAVICHA), Patrick Ole Sosopi, ametangaza kuwafuta uanachama wanachama watatu wa chama hicho kwa kile kilichodaiwa kuwa ni usaliti ndani ya chama.

Waliofutwa uanachama ni pamoja na aliyekua Naibu Katibu Mkuu Bara, Getrude Ndibalema na Mwenyekiti wa Bavicha Mkoa wa Kilimanjaro, Dickson Kibona.

Akizungumza leo Mei 22, katika mkutano na waandishi wa habari jijini Arusha, Ole Sosopi amesema kwamba uamuzi huo umekuja baada ya kufuata taratibu zote za kuwahoji kupitia tume iliyoundwa.

Amesema viongozi hao wamehojiwa baada ya kuwepo tuhuma za usaliti ambazo ni kosa kwenye chama hicho, Sosopi amesema Bavicha imeridhia kuwaondoa wanachama hao baada ya kujiridhisha kwa makosa waliyoyafanya.

ALIYENUSURIKA KUFA AJALI YA MV BUKOBA ASIMULIA KISA NA MKASA.



NA ZEPHANIA MANDIA/GSENGOtV


Tanzania leo tumewakumbuka ndugu zetu ambao walipoteza maisha kwenye ajali ya kuzama kwa meli ya Mv Bukoba ambayo ilizama siku kama ya leo mnamo mwaka 1996 ikiwa njiani kiasi cha kilomita 30 kuweka nanga jijini Mwanza.

Umepata nyingi simulizi kuhusu kuzama kwa Meli hiyo sasa ni wakati wako kuiona  angle nyingine ya simulizi hizo kupitia maadhimisho ya miaka 22 tangu kutokea kwa tukio hilo ambapo Mkuu wa mkoa wa Mwanza John Mongella ameongoza maadhimisho hayo yaliyofanyika katika makaburi ya wahanga wa Mv Bukoba yaliyoko Igoma wilayani Nyamagana mkoani Mwanza.

WAZIRI MKUU MAJALIWA AZINDUA MRADI WA UUNGANISHWAJI WA UMEME WA GRIDI YA TAIFA KWA MIKOA WA LINDI NA MTWARA

 Waziri Mkuu Kassim Majaliwa, akifunua kitambaa kuashiria uzinduzi wa mradi wa uunganishwaji umeme wa Gridi ya Taifa kwa mikoa ya Lindi na Mtwara kwenye kituo cha kupoza na kusambaza umeme cha Mahumbika Mkoani Lindi leo Mei 21, 2018. Kushoto ni Waziri wa Nishati, Dkt. Medard Kalemani, na kulia ni Mkuu wa Mkoa wa Lindi, Godfrey Zambi. Mradi huo sasa umeondoa kero ya muda mrefu ya upatikanaji wa umeme ulio bora na wa uhakika kwenye mikoa hiyo ya Kusini.


NA MWANDISHI WETU, MAHUMBIKA-LINDI
WAZIRI Mkuu Mhe. Kassim Majaliwa amewahakikishia watanzania wote kuwa Serikali itafikisha umeme kila kona na kila kijiji.
Waziri Mkuu aliyasema hayo mara baada ya kuzindua mradi wa uunganishwaji wa umeme wa Gridi ya Taika kwa mikoa ya Lindi na Mtwara kwenye hafla iliyofanyika Kituo cha kupoza na kusambaza umeme cha Mahumbika mkoani Lindi leo Mei 21, 2018.
Hata hivyo aliwataka kuwa wavumilivu kwani mipango ya serikali ambahyo ni kuhakikisha umeme unafika sio tu maeneo ya mijini bali pia kwenye vijiji vyote vya Tanzania.
“Kitendo kinachofanyika hapoa leo ni ushahjidi wa ahadi hiyo ya serikali na ninachowaomba Watanzania ni kuwa na subira kwani serikali inatekeleza ahadi ilizotoa kuhakikisha watanzania wanapata umem wa uhakika na wa bei nafuu.”
Akizungumzia  uzinduzi huo ambao sasa umetoa sukuhisho la uhaba wa umeme kwenye mkoa huo wa Lindi Waziri Mkuu alitoa maagizo kwenye halmashauri zote mkoani humo kuhakikisha maeneo yote nyeti ya huduma za kijamii yanafikishiwa umeme ikiwemo shule na hospitali
“Hatutarajii kuwa na eneo lenye shida ya umeme, hapa ni umeme masaa 24, na tafsiri ya serikali kuwa hapa ni umeme wa uhakika na wa kutosha ndio hii ambayo leo hii tumezindua.” Alisema.
Alisema sera ya serikali ni ya uchumi wa viwanda,na kwamba, wale watu wanaotaka kuwekeza viwanda vya Korosho, Salfa na vifaa mbalimbaki kwenye mkoa wa Lindi sasa ni wakati wao kwenda mkoani humo na kuwekeza kwani hivi sasa kuna umeme wa uhakika.
Aidha Waziri Mkuu aliwaasa wananchi kuwa walizni wa miundombinu ya umeme, na kuwataka wanapoona vitendo vya watu wakihujumu mkiundombinu basi taarifa za kuwashughulikia watu hao ni vema zikatolewa kwa vyombo husika ili kuchukua hatua.
“Naomba vifaa vyote vinavyoletwa kwenye maeneo yenu, kwenye vijiji vyenu basi tuvilinde ili hatimaye tuweze kunufaika na uimarishwaji wa miundombinu ya umeme.” Aliasa Wazir Mkuu.
Kupitia mpango w REA, yaani umeme vijijini Serikali imepunguza kutoka Shilingi 380,000/= hadi shilingi 27,000/= tu.

 Waziri Mkuu Kassim Majaliwa,(katikati) na viongozi wengine wa serikali wakiwemo mawaziri akikata utepe kuashiria uzinduzi wa mradi wa kuunganishwa umeme wa Gridi ya Taifa kwa mikoa ya Lindi na Mtwara kwenye kituo cha kupoza na kusambaza umeme cha Mahumbika Mkoani Lindi leo Mei 21, 2018. 
 Waziri Mkuu Majaliwa akimpongeza Waziri Dkt. Kalemani.
 Waziri Mkuu, Mhe. Kassim Majaliwa, (wapili kulia), akiwa na viongozi wengine, wakiimba wimbo wa taifa baada ya kufanya uzinduzi.
 Waziri Mkuu Majaliwa, na viongozi wengine, akipatiwa maelezo ya ,mradi huo na mmoja wa wataalamu wa TANESCO, kwenye kituo cha Mahumbika.
Waziri Mkuu Majaliwa, akitoa hotuba yake
Waziri Mkuu Majaliwa, akitoa hotuba yake

 Waziri wa Nishati, Dkt. Medard Kalemani, akitoa hotuba yake
 Mkurugenzi Mtendaji wa TANESCO, Dkt. Tito Mwinuka, akitoa maelezo ya mradi huo.
 Mkuu wa Mkoa wa Lindi, Godfrey Zambi, akitoa hotuba yake
Waziri Dkt. Kalemani, (katikati), akisindikizwa na Katibu Mkuu wa Wizara ya Nishati, (kulia) na Mkurugenzi Mtendaji wa TANESCO, Dkt. Tito Mwinuka.

RITTA KABATI CHALLENGE CUP MSIMU 2018 WAFUNGULIWA RASMI,TIMU ZAOMBWA KUCHUA FOMU KUSHIRIKI


 Kulia ni Mwenyekiti wa mashindano ya Ritta Kabati challenge cup 2018 na kushoto ni katibu wa kamati ya mshindano hayo walipokuwa wakiongea na vyombo  vya habari kwenye ofisi zao zilizopo manispaa ya Iringa mkoani Iringa mapema hii leo

NA FREDY MGUNDA,IRINGA.

Kamati ya ya mshindano ya Ritta Kabati challenge cup 2018 imezindua rasmi kwa kuanza kuzialika timu kwa ajiri ya kuchukua fomu kushiriki na wameweka bayana jinsi mfumo wa mashindano utakavyokuwa pamoja na zawadi kwa washindi wote.

Akizungumza na waandishi wa habari mwenyekiti wa mashindano hayo Gerald Malekela alisema kuwa analialika timu mbalimbali za mkoa wa Iringa kuja kuchukua fomu za mashindano kwa gharama ya shilingi elfu thelathini (30,000/=) ambazo zinapatikana katika kituo cha radio cha Nuru Fm.

“Naomba viongozi wa vilabu vinavyotaka kushiriki mashindano haya vinatakuwa kufika katika ofisi za Nuru fm au kumpigia mratibu wa mashindano haya Fredy Mgunda kwa kumpigia simu ya nambari 0714201006  au mnipigie mimi mwenyewe kwa namba hii 0762687732 hapo utakuwa umerahisisha jinsi ya kuzipata hizo fomu na maelezo kwa kina” alisema Malekela

Malekela alisema kuwa lengo la mashindano ni kuibua vipaji vya vijana mkoani Iringa,Kuonesha uwezo wa vijana na kutengeneza ajira  kwao,Kujenga kizazi chenye afya bora na kuwa na utamaduni wa kufanya mazoezi,Kutoa burudani kwa wakazi wa iringa kwa  mchezo wa mpira wa miguu,Kuwakutanisha vijana pamoja ili kuzungumza lugha moja ya kimichezo na maendeleo,Kuwaepusha vijana na makundi au vijiwe visivyo faa na Kuhamasisha michezo katika mkoa wa Iringa,kutimiza agizo la makamu wa raisi juu ya kufanya mazoezi

“Sasa hapo utagundua kuwa jinsi gani mashindano hayo yalivyo yanaumuhimu katika kukuza vipaji hapa mkoani kwa ustawi wa soka letu la nchi hiii” alisema Malekela

Aidha Malekela  alizitaja zawadi pamoja na vifaaa ambavyo vitatolewa kwa timu shiriki


VIFAA
 msimu wa mwaka huu wa 2018 Kupitia mdhamini RITTA KABATI tunataraji kutoa vifaa  vya michezo kama ifuatavyo kwa timu shiriki.
Kifaa
Muhusika
idadi
Mipira ya mazoezi
Timu shiriki
Mpira mmoja (1)
Jezi za mechi
Timu shiriki
Jezi set 1
Jezi za waamuzi
Waamuzi
Set 6








D: ZAWADI.
No.
Muhusika
Zawadi ya kwanza
Zawadi ya pili
1.   
Mshindi wa kwanza
Kombe  1,000,000.00
2,000,000.00
2.  
Mshindi wa pili

1,000,000.00
3.  
Mshindi wa tatu

500,000.00
4. 
Mchezaji bora

100,000.00
5.  
Mfungaji bora

100,000.00
6. 
Golikipa bora

100,000.00
7.   
Waamuzi bora

100,000.00
8. 
Kikundi bora cha ushangiliaji

200,000.00
9. 
Timu yenye nidhamu

100,000.00

Jumla
1, 000,000.00
4,200,000

Ligi yetu itakuwa kama msimu uliopita  tutakuwa na hatua ya mtoano kulingana na timu zitakazo jitokeza kuchukua fomu za kushiriki mashindano haya na hatimaye kupata timu kumi ambazo zitacheza hatua ya makundi mawili na kupata timu nne ambazo zitacheza nusu fainali na hatimaye fainal

Matarajio yetu mashindano yatazinduliwa rasmi tarehe 10 mei 2018 siku ya jumapili wapi na itakuwaje na nani atakuwa mgeni rasmi hayo yote yatawekwa bayana muda si mrefu.

Kama kamati tunamshuru sana Mh. Mbunge Ritta Kabati kwa kukubali kudhamini mashindano haya na kuwathamini vijana wa mkoa wa iringa fedha hii ambayo anaitoa kwaajili ya kufanya yote haya angeitumia kwa kazi zake nyingine kwa maendeleo ya familia yake lakini kwa kutambua nafasi aliyonayo na kuwathamini vijana ndio maana anafanya haya yote hivyo sisi kamati tunamshukuru na kumpongeza aendelee kuwa na moyo huu.

Leo tarehe 21 / 5/ 2018  ndio  rasmi dirisha la uchukuaji fomu za usajili linafunguliwa na litafungwa  tarehe 31 /5/2018 – gharama ya fomu ya usajili wa timu kwenye mashindano haya ya RITTA KABATI CHALLENGE CUP IRINGA 2018 ni  shilingi 30,000.00 tu na fomu zinapatikana kwa kamati ya mashindano na si kuingine,  unaweza kupiga namba hii kwa maelezo 0715779233 AU 0714201006 AU 0762687732, au wanaweza wakafika nuru fm ndiko viongozi tulipo.