SASA MWANZA NI KILA KITU

SASA MWANZA NI KILA KITU

KARIBU KISIWA CHA RUBONDO

KARIBU KISIWA CHA RUBONDO

ZIMA KILA KITU ILA WASHA JEMBE FM 93.7 MWANZA

ZIMA KILA KITU ILA WASHA JEMBE FM 93.7 MWANZA

Thursday, December 14, 2017

MAJONZI NA VILIO KUAGWA KWA MIILI YA ASKARI 14 WA JWTZ WALIOUAWA, DRC.


WAZIRI Mkuu, Kassim Majaliwa ameongoza waombolezaji kuaga miili ya askari 14 waliouawa na waasi wa ADF nchini Jamhuri ya Kidemokrasia ya Congo (DRC) ambapo shughuli ya kuaga miili ya askari hao imefanyika leo Alhamisi, Desemba 14, 2017 katika viwanja vya Wizara ya Ulinzi na Jeshi la Kujenga Taifa, Upanga jijini Dar es Salaam. Viongozi wengine waliohudhuria katika kuaga miili hiyo ni Rais Mstaafu wa Awamu ya Nne, Dkt. Jakaya Mrisho Kikwete, Mkuu wa Majeshi ya Ulinzi Jenerali Venance Mabeyo, wakuu komandi za anga, maji, nchi kavu na Jeshi la Kujenga Taifa (JKT), viongozi wa Umoja wa Mataifa, na wakuu wa vyombo vya ulinzi na usalama, askari na wananchi. Baada kukamilika shughuli ya kuaga miili hiyo itasafirishwa kwao mazishi.

WAPIGANAJI WA 'JESHI LA YESU' DRC WAHUKUMIWA MAISHA JELA KWA KUWABAKA WATOTO.

Wapiganaji wa 'Jeshi la Yesu' DRC  wahukumiwa maisha jela kwa kuwabaka watoto
KWA HISANI YA Parstoday Swahili
Wapiganaji 11 wa kundi moja la wanamgambo katika Jamhuri yya Kidemokrasia ya Congo wanaojiita 'Jeshi la Yesu' wamehukumiwa kifungo cha maisha jela baada ya kupatikana na hatia ya ubakaji.
Taarifa ya mahakama imesema kuwa, wanamgambo hao akiwemo kiongozi wao Fréderic Batumike ambaye ni Mbunge wa Kivu Kusini wamepatikana na hatia ya kuwabaka makumi ya wasichana wadogo akiwemo mtoto mdogo wa mwaka mmoja na nusu.
Taarifa zaidi zinasema kuwa, kwa uchache wanamgambo hao 11 wa Jeshi la Yyesu waliwabaka wasichana wadogo 37 jirani na kijiji cha Kavumu katika Jimbo la Kivu Kusini baina ya mwaka 2013 na 216.
Fréderic Batumike alimuajiri mganga ambaye aliwapa ushauri wanamgambo hao kwamba, kama wangewabaka wasichana wadogo basi hilo lingewakinga na maadui zao.
Mmoja wa wanamgambo wa kundi la waasi katika Jamhuri ya Kidemokrasia ya Congo
Aidha kwa mujibu wa mahakama iliyotoa hukumu hiyo ni kwamba, hatia nyingine ya wanamgambo hao akiwemo Fréderic Batumike ni ya mauaji.
Mashirika mbalimbali ya kutetea haki za binadamu yameipongeza hukumu ya mahakama hiyo ambayo wameitaja kuwa ni ya kihistoria hasa katika Jamhuri ya Kidemokrasia ya Congo ambapo vitendo vya ubakaji vinavyofanywa na makundi ya wabeba silaha limekuwa ni jambo la kawaida na wahusika huwa hawaadhibiwi.
Raia wameomba mali za mbunge huyo zitaifishwe na kisha wapewe waathirika wa kitendo hicho cha ubakaji ili waweze kujimudu kimaisha.

WALIOSHINDWA KUENDELEZA MAENEO UCHIMBAJI WA JASI KUFUTIWA LESENI

Naibu Waziri wa Madini, Stanslaus Nyongo (katikati) akitembelea Kiwanda cha kuzalisha Chaki cha Dobercolor kilichopo katika Kijiji cha Majengo, Itigi. Kulia ni Mlinzi Mkuu wa Kiwanda hicho, John Kitika akielekeza eneo linalotumiwa kwa ajili ya kuanikia Chaki (halionekani pichani). Kuhoto ni Mkurugenzi wa Halmashauri ya Wilaya ya Itigi, Pius Luhende.
Naibu Waziri wa Madini, Stanslaus Nyongo (wa tatu kushoto) akitazama mtambo wa kusaga Madini ya Jasi na kisha unga wake (gypsum powder) hutumika kutengeneza Chaki katika kiwanda cha Dobercolor kilichopo katika Kijiji cha Majengo, Itigi.

Eneo la kuchomea Madini ya Jasi kabla hayajasagwa na kuwa unga (Gypsum powder) katika Kiwanda cha Kusaga Mawe ya Jasi cha RSR kinachomilikiwa na Mtanzania, Rashid Rashid kilichopo katika Kijiji cha Sanjaranda, Itigi.

Naibu Waziri wa Madini, Stanslaus Nyongo (wa pili kushoto) akitazama hatua ya uchomaji wa Madini ya Jasi kwenye kiwanda cha kampuni ya mzawa cha RSR kinachomilikiwa na Rashid Rashid (kushoto) kilichopo katika Kijiji cha Sanjaranda, Itigi kabla ya kusagwa kuwa unga (Gypsum powder) na baadaye kusafirishwa hadi Dar es Salaam kwa ajili ya kuuzwa.

Naibu Waziri wa Madini, Stanslaus Nyongo (aliyesimama) akizungumza na Wafanyakazi, Wachimbaji na Wafanyabiashara wa Madini ya Jasi (hawapo pichani) wakati wa ziara yake Itigi Mkoani Singida. Kushoto ni Mkurugenzi wa Halmashauri ya Wilaya ya Itigi, Pius Luhende.


Baadhi ya Wafanyakazi wa Machimbo ya Jasi, Wachimbaji na Wafanyabiashara wa Madini ya Jasi wakimsikiliza Naibu Waziri wa Madini, Stanslaus Nyongo (hayupo pichani) wakati wa ziara yake Itigi Mkoani Singida.


WALIOSHINDWA KUCHIMBA JASI KUFUTIWA LESENI

Serikali imesema Wachimbaji wa Madini ya Jasi walioshindwa kuendeleza maeneo yao sheria itachukua mkondo wake ikiwemo kufutiwa leseni zao na maeneo yao kumilikishwa Wachimbaji wengine wenye nia ya kufanya uchimbaji.

Naibu Waziri wa Madini, Stanslaus Nyongo alisema hayo Desemba 11, 2017 wakati wa ziara yake kwenye machimbo ya Jasi Wilayani Manyoni, Mkoani Singida.

Nyongo alitoa kauli hiyo kufuatia malalamiko ya baadhi ya wachimbaji wa madini hayo ya kukosa maeneo ya kutosha kufanya shughuli za uchimbaji husika na huku maeneo mengi yakiwa chini ya umiliki wa watu wasioyaendeleza.

Alisema leseni zilitolewa ili uchimbaji ufanyike na kwakua waliopewa leseni wameshindwa kuendeleza maeneo husika, sheria itachukua mkondo wake ikiwemo kuwaandikia hati ya makosa (default notice) na endapo watashindwa kutekeleza maelekezo watakayopewa, leseni za uchimbaji wa madini husika zitafutwa na maeneo yao kumilikishwa wengine.

Alimuagiza Kamishna Msaidizi wa Madini Kanda ya Kati, Singida, Sosthenes Massola kufuatilia suala hilo ili hatua stahiki zichukuliwe mapema iwezekanavyo. 

Vilevile, Naibu Waziri Nyongo alitoa onyo kwa wachimbaji wanaoshindwa kulipa fidia ya umiliki wa ardhi kwenye maeneo yaliyokuwa yanamilikiwa na watu wengine wakiwemo wakulima. 

Alitoa onyo hilo kufuatia malalamiko kutoka kwa wananchi ambao walisema baadhi ya wachimbaji wa Madini ya Jasi walianza kufanya shughuli zao za uchimbaji bila ya kukubaliana na wenyeji waliowakuta kwenye maeneo hayo jambo ambalo walisema limewaletea usumbufu na kuwarudisha nyuma kimaendeleo.

"Sisi wakulima tunanyasika, mchimbaji anakuja na kuanza kuchimba bila makubaliano yoyote," alisema Hamis Said ambaye aliwatuhumu wachimbaji kuvamia eneo lake bila ridhaa yake.

Naye Hamisa Rashid ambaye alijitambulisha kuwa ni mkulima alishauri kwamba wachimbaji kabla hawajaanza shughuli zao wawatafutie maeneo mbadala ili wakaendeleze shughuli zao za kilimo.

Naibu Waziri Nyongo alisema haiwezekani mchimbaji apewe leseni hali ya kuwa hana uwezo wa kulipa fidia kwa wananchi ambao amewakuta katika eneo analotaraji kufanya shughuli za uchimbaji.

"Hii ni Serikali inayojali wanyonge, hatuwezi kumvumilia mtu ambaye ananyanyasa wananchi; kama huna uwezo wa kulipa fidia usiombe leseni," alisisitiza Nyongo.

Alimuagiza Kamishna Msaidizi wa Madini Kanda husika na Kamati ya Ulinzi na Usalama ya Wilaya ya Manyoni kukutana na wananchi wenye malalamiko ili hatua stahiki zichukuliwe na haki itendeke.

"Taratibu za kumilikisha watu maeneo zifuatwe ikiwemo suala la ulipaji wa fidia," aliagiza Waziri Nyongo.

Aidha, Waziri Nyongo alimuagiza Kamishna wa Madini kutenga maeneo zaidi kwa wananchi wenye nia ya kuchimba Madini ya Jasi.

Naibu Waziri Nyongo yupo Mkoani Singida kwa ziara ya siku Tatu ya kutembelea shughuli za uchimbaji wa Madini mkoani humo na kuzungumza na wachimbaji ili kubaini changamoto zinazowakabili kwa lengo la kutafutia ufumbuzi.
-Mwisho-

Wednesday, December 13, 2017

AGGREY&CLIFFORD YATOA MSAADA KWA KITUO CHA WATOTO WANAOISHI MAZINGIRA MAGUMU, DAR

 Meneja Uhusiano wa kampuni ya Aggrey Clifford, Martha Majura (kulia) akimkabidhi mkurugenzi wa kituo cha Sadeline Health Care Trust, Sara Kitanda (kushoto) mfano wa hundi ili kusaidia watoto wanaoishi kwenye mazingira magumu. Wanaoshuhudia kutoka wa pili kushoto ni wakurugenzi watendaji wa Aggrey  Clifford, Luke Smit, Tel Akuku na Ryan Goslin.
 Wafanyakazi wa Aggrey Clifford wakigawa zawadi na kufurahi na watoto hao.
 Baadhi ya watoto wakiwa na furaha baada ya kupatiwa zawadi na kuonyeshwa faraja na upendo.
Wafanyakazi wa Aggrey Clifford katika picha ya pamoja na watoto hao wanaolelewa katika kituo cha Sadeline. --- Kampuni ya Aggrey&Clifford imetoa msaada wa fedha kusaidia kununua mahitaji kwa watoto wanaoishi katika mazingira magumu cha Sadeline Health Care Trust kilichopo Mbezi Beach jijini Dar es Salaam. Mbali na msaada wa fedha, imetoa vifaa vya shule na vyakula ikiwa ni sehemu ya maandalizi ya kusherehekea sikukuu ya Krismasi ambapo pia wafanyakazi wa kampuni walijitolea muda wao kucheza na kufurahi pamoja na watoto hao kwa ajili ya kuwapatia faraja.

KATIBU MKUU WA CCM NDUGU KINANA AFANYA ZIARA JIMBO LA NZEGA VIJIJINI.

 Katibu Mkuu wa CCM Ndugu Abdulrahman Kinana akizungumza jambo na Mbunge wa jimbo la Nzega,Dkt Hamisi Kigwangalla,ambaye pia ni Waziri wa Maliasili na Utalii mapema leo mara baada ya kuwasili kwa ziara fupi ndani ya jimbo la Nzega.kushoto kwake ni Mwenyekiti wa CCM mkoa wa Tabora Mzee Hassan Wakasuvi pamoja na Katibu wa CCM Wilaya Ndugu Shaibu Ngatiche.
 Katibu Mkuu wa CCM Ndugu Abdulrahman Kinana akifurahia jambo na Mbunge wa jimbo la Nzega,Dkt Kigwangalla,mapema leo walipokuwa wakishuhudia ngoma ya asili iliyokuwa ikitumbuiza nje ya Ofisi kuu ya chama  ya wilaya ya Nzega mara baada ya kuwasili kwa ziara fupi kufuatia mwaliko wa Mbunge wa jimbo hilo Dk Hamisi Kigwangalla.kushoto kwake ni mwenyekiti wa CCM mkoa wa Tabora Mzee Hassan Wakasuvi
 Mwenyekiti wa CCM mkoa wa Tabora Mzee Hassan Wakasuvi akimkaribisha  Katibu Mkuu wa CCM Ndugu Abdulrahman Kinana ndani ya Ofisi kuu ya chama  ya wilaya ya Nzega na kuitambulisha kamati kuu ya siasa ya Wilaya mapema leo kabla ya kwenda kwenye mkutano wa ndani wa jimbo hilo.
  Katibu Mkuu wa CCM Ndugu Abdulrahman Kinana akizungumza mbele ya Kamati kuu ya Siasa Wilaya ya Nzega,mkoani Tabora mapema leo,mara baada ya kupokea taarifa fupi za chama ndani ya Ofisi kuu ya chama  ya wilaya hiyo 
  Katibu Mkuu wa CCM Ndugu Abdulrahman Kinana akiwa ameongozana na Mwenyekiti wa CCM wilaya ya Nzega Ndugu Amos Kanuda na viongozi wengine wa chama wakielekea kuweka jiwa la msingi la ujenzi wa Ukumbi utakaotumika kwa shughuli mbalimbali zikiwemo za kijamii,liliojengwa kando kando ya Ofisi kuu ya chama  ya wilaya
  Katibu Mkuu wa CCM Ndugu Abdulrahman Kinana akikata utepe kuashiria uwekaji rasmi wa jiwe la msingi la ujenzi wa Ukumbi mkubwa na wa kisasa utakaotumika kwa shughuli mbalimbali zikiwemo za kijamii,uliojengwa kando kando ya Ofisi kuu ya chama  ya wilaya hiyo,kulia kwake ni  Mwenyekiti wa CCM wilaya ya Nzega Ndugu Amos Kanuda pamoja na Mbunge wa Jimbo hilo Dkt Hamisi Kigwangalla (aliyevaa mawani katikati).
 Katibu Mkuu wa CCM Ndugu Abdulrahman Kinana,Mwenyekiti wa CCM wilaya ya Nzega Ndugu Amos Kanuda pamoja na Mbunge wa Jimbo hilo Dkt Hamisi Kigwangalla  wakipiga makofi mara baada ya kuwekwa jiwe la msingi la ujenzi wa ukumbi . 
  Katibu Mkuu wa CCM Ndugu Abdulrahman Kinana, Mbunge wa Jimbo hilo Dkt Hamisi Kigwangalla,Mwenyekiti wa CCM wilaya ya Nzega Ndugu Amos Kanuda pamoja na  Katibu wa CCM Wilaya Ndugu Shaibu Ngatiche wakikagua ujenzi wa ukumbi huo . PICHA NA MICHUZI JR -NZEGA
Katibu Mkuu wa CCM Ndugu Abdulrahman Kinana akizungumza mapema leo mbele ya wanachama wa Chama Cha Mapinduzi CCM wilaya ya Nzega mkoani Tabora.Ndugu Kinana amefanya ziara wilayani humo mapema leo kwa Mwaliko wa Mbunge wa jimbo la Nzega Vijijini ambaye pia ni Waziri wa Maliasili na Utalii Dkt Hamisi Kigwangalla,aidha katika ziara hiyo Ndugu kinana amewapongeza viongozi mbalimbali waliochaguliwa katika ngazi ya chama ya wilaya na pia kuweka jiwe la Msingi la ujenzi wa ukumbi mkubwa wa kisasa ambao utatumika kwa matumizi mbalimbali.PICHA NA MICHUZI JR -NZEGA
 Baadhi ya Wafuasi wa chama cha CCM na Wananchi wakishangilia jambo walipokuwa wakimsikiliza Katibu Mkuu wa CCM Ndugu Abdulrahman Kinana mapema leo  wilayani Nzega mkoani Tabora.Ndugu Kinana amewasili Wilayani humo kwa ziara fupi ya Mwaliko wa Mbunge wa jimbo la Nzega Vijijini ambaye pia ni Waziri wa Maliasili na Utalii Dkt Hamisi Kigwangalla,aidha katika ziara hiyo Ndugu kinana amewapongeza viongozi mbalimbali waliochaguliwa katika ngazi ya chama ya wilaya na pia kuweka jiwe la Msingi la ujenzi wa ukumbi mkubwa wa kisasa ambao utatumika kwa matumizi mbalimbali.PICHA NA MICHUZI JR -NZEGA
Ndugu Kinana akiagana na baadhi ya Wananchama wa CCM waliofika kumpokea katika Makao Makuu ya Ofisi ya Wilaya hiyo mapema leo mchana.Ndugu Kinana anatarajiwa kuzungumza na wananchi wa jimbo la Nzega katika mkutano wa ndani wa jimbo hilo jioni ya leo.

REACHING OUT DESTINIES FOUNDATION(RDF) WASHEREKEA MWAKA MMOJA TANGU KUANZISHWA KWAKE NA KUZINDUA JUKWAA LA MAZUNGUMZO.

 Mkurugenzi Mtendaji wa Reaching Out Destinies Foundation(RDF) Bi. Jane David akifungua rasmi  kwa maombi sherehe za kuwashukuru wadau wao kwa kuwa nao kwa muda wa mwaka mzima, na baadae kutoa shukurani zake za dhati kwa ushirikiano wao kwa kipindi chote cha mwaka mzima.

DAWA ZA KULEVYA ZANASWA MAGU MZIGO ULIKUWA UNATOKEA TARIME.


IKITUMIA wanyama kazi yaani Mbwa, Jeshi la polisi Mkoani Mwanza linawashikilia watu wawili kwa tuhuma za kupatikana na dawa za kulevya katika kijiji cha Isangijo wilayani Magu mkoani Mwanza.

Watuhumiwa hao wamekamatwa wakiwa ndani ya Basi la Kampuni ya Zakaria Express linalofanya safari zake kati ya Tarime Mkoani Mara kuelekea jijini Mwanza, lenye namba za usajiri T. 813 DFV aina ya Yutong wakiwa na Dawa za kulevya aina ya Bangiiliyokuwa imehifadhiwa kwenye pakiti za nailoni ili kukwepa kukamatwa na vyombo vya dola pamoja na furushi mbili za Mirungi.

Tuesday, December 12, 2017

MWANZA YAINGIA KWENYE HISTORIA YAZINDUA NDEGE ISIYO KUWA NA RUBANI KUHUDUMIA VITUO VYA AFYA UKEREWE.

JIJI la Mwanza limeingia kwenye historia hii leo tarehe 12 December 2017, baada ya kuwa kwenye orodha ya maeneo yanayo tumia ndege zisizo kuwa na rubani katika utoaji huduma za usafirishaji vifaa tiba.

  KUTOKA Malaika Beach Resort jijini Mwanza, uzinduzi wa maonyesho ya Ndege zisizo na rubani yaani Drone kubwa zenye uwezo wa kusafirisha angani mzigo wenye kilo 20 hadi 40 umefanyika, naye Mkuu wa mkoa wa Mwanza John Mongella ndiye aliyekuwa mgeni rasmi wa uzinduzi huo.
Mkuu wa mkoa wa Mwanza John Mongella akizungumza na kusanyiko la uzinduzi.

Ni Ndege ambazo zitakwenda kuhudumia sehemu ya Kanda ya Ziwa tukianza na kisiwa cha Ukerewe, ambacho kimekuwa na changamoto nyingi kufikiwa kwa urahisi, huduma zote za haraka kwa vifaa vya tiba kupitia Bohari ya dawa MSD ikiwa ni pamoja na damu,  vitendea kazi vidogo vilivyo muhimu mahospitalini.

Picha ya pamoja wakuu na wadau.

Pichani Kamati ya ulinzi na usalama.

Kutoka COSTECH ni Mhandisi George Mulamala.

Mkurugenzi Mkuu wa Bohari ya Madawa nchini (MSD) Laurean Rugambwa.

Mganga mkuu wa mkoa wa Mwanza Dkt. Leonard Subi.

Meza kuu.

Drone kwaajili ya kazi.

Gsengo.

Picha ya pamoja na wakuu wa wilaya.

Picha ya pamoja na kamati ya ulinzi na usalama.


Picha ya pamoja Mkuu wa mkoa wa Mwanza John Mongella pamoja na waandishi wa habari.


Ndege hizi zimejikita zaidi katika kushukuma mbele shughuli za huduma za afya yaani usafirishaji, hivyo baadhi hususani ule wa dharula utafanywa na Ndege hizi zilizozinduliwa jijini hapa. .

Ni Jambo la kipekee sana ambalo kwa mara ya kwanza nchini linaanzia Mwanza kati ya nchi tatu barani Afrika.

Benki ya dunia, Shirika la kuhudumia Watoto la Umoja wa Mataifa (UNICEF), John Snow, Inc na wabia wengine ndiyo wamesaidia kufadhili matumizi ya ndege zisizokuwa na rubani kusafirisha damu na vifaa vingine vya hospitali kwenye vituo vya afya nchini Tanzania.
Mkurugenzi wa Halmashauri ya wilaya ya Ukerewe ambaye mradi huo kwa mara ya kwanza nchi umeelekezwa wilayani kwake Frank Bahati, akizungumza na waandishi wa habari.

Lengo ni kupunguza kwa kiasi kikubwa muda unaotumiwa kutuma akiba ya damu kwenye kliniki za afya katika mataifa ya Afrika kwa njia ya barabara na njia nyinginezo.


Mfumo utakaotumiwa utahusisha matumizi ya kamba ama uzio kuunganisha sehemu moja hadi nyingine, na mabonde hadi mabonde yenye makazi ya watu , mfumo sawa na ule umbao ulianza tayari kutumiwa nchini Rwanda mwezi October.


Faida ya mfumo huo ni kwamba ndege inaweza kukabiliana na hali ya hewa ya upepo mkali kwa muda .

Tanzania, Rwanda na Malawi - ambazo zinatumia aina tofauti za ndege hizi zisizokuwa na rubani kwa usambazaji wa huduma za matibabu - zote zina sheria tofauti kuhusu utumiaji wa ndege zisizokuwa na rubani , suala ambalo lilizifanya kuwa mahala pema kwa majaribio ya aina hii


RC MBEYA MHE. AMOS MAKALA AFUNGUA MAFUNZO YA MADAKTARI WA KANDA YA NYANDA ZA JUU KUSINI YANAYORATIBIWA NA WCF

Mkuu wa Mkoa wa Mbeya, Mhe. Amos Makala, akihutubia wakati akifungua rasmi mafunzo ya siku tano kwa madaktari wanaofikia 100 kutoka mikoa saba ya kanda ya nyanda za juu Kusini, kwenye ukumbi wa Benjamin Mkapa, jijini humo Desemba 12, 2017. Mafunzo hayo yanayoratibiwa na Mfuko wa Fidia kwa Wafanyakazi, (WCF), yanalenga kuwajengea uwezo madaktari na watoa huduma za afya kufanya tahmini ya mfanyakazi aliyepata ulemavu au ugonjwa mahali pa kazi.

NA K-VIS BLOG/Khalfan Said, Mbeya

TAKRIBAN madaktari na watoa huduma za afya 100 kutoka mikoa saba ya Kanada ya Nyanda za Juu Kusini, wameanza kupatiwa mafunzo jijini Mbeya yanayoratibiwa na Mfuko wa Fidia Kwa Wafanyakazi (WCF).

Akizungumza wakati wa ufunguzi rasmi wa mafunzo hayo ya siku tano yaliyofunguliwa rasmi Desemba 12, 2017 (jana) NA Mkuu wa Mkoa wa Mbeya, Mhe. Amos Makala kwenye ukumbi wa Benjamin Mkapa jijini Mbeya, Mkurugenzi Mkuu wa WCF, Bw.Masha Mshomba, alisema, mafunzo hayo ni muendelezo wa mafunzo kwa madaktari na watoa huduma za afya ili kuwajengea uwezo wa kufanya tathmini ya ulemavu maradhi anayopata mfanyakazi wakati akitekeleza majukumu yake mahala pa kazi ili hatimaye madaktari hao waweze kutoa mapendekezo kuwezesha mfuko kutoa mafao ya fidia stahiki.

Kwa mujibu wa mratibu wa mafunzo hayo, ambaye pia ni Mkurugenzi wa Huduma za Tiba na Tathmini wa WCF, Dkt. Abdulsalaam Omar, mafunzo hayo yamewaleta pamoja madaktari na watoa huduma za afya kutoka mikoa ya Mbeya, Songwe, Katavi, Rukwa, Iringa, Njombe na Ruvuma.

Katika hatua ya kuimarisha Hifadhi ya Jamii, Tanzania, Serikali ilianzisha Mfuko wa Fidia Kwa Wafanyakazi kwa mujibu wa kifungu namba 5 cha sheria ya Fidia kwa Wafanyakazi,  kipengele cha 263 kilichofanyiwa marejeo mwaka 2015 ili kuhakikisha kila mfanyakazi Tanzania Bara kutoka sekta ya umma na binafsi anapata fursa ya kuwekewa bima na mwajiri wake ili anapopata majeraha au magonjwa awapo kazini basi aweze kufidiwa kwa mujibu wa sheria, alisema Bw. Mshomba.

“Lengo kuu la kuanzishwa kwa Mfuko huu ni kutoa fidia stahiki kwa mfanyakazi aliyepatwa na majeraha, maradhi kutokana na kutekeleza wajibu wake awapo kazini, lakini pia kuwalipa fidia wategemezi wake anapofariki katika mazingira hayo.” Alifafanua Bw. Mshomba na kuongeza, WCF ilianza kutekeleza majukumu yake Julai Mosi, 2015 na mwaka uliofuata Mfuko ulianza rasmi kupokea madai ya fidia na kulipa mafao kwa waathirika.

Wakati akifungua Mkutano Mkuu wa Kwanza wa Mwaka wa Wadau wa WCF jijini Arusha mwishoni mwa mwezi uliopita, kwa niaba ya Waziri Mkuu, Kassim Majaliwa, Waziri wa Nchi Ofisi ya Waziri Mkuu, (Sera, Bunge, Vijana, Kazi, Ajira na Watu wenye Ulemavu), Mhe. Jenista Mhagama, aliitaka WCF kuendelea kutoa elimu kwa wadau, ili waweze kuelewa vema shughuli za Mfuko na nia njema ya serikali ya kuanzisha mfuko huo ili mfanyakazi wa Tanzania aweze kupata fidia stahiki anapopata madhara sehemu ya kazi.

Bw, Mshomba aliishukuru Serikali na Wizara zake kwa kuunga mkono na kusaidia juhudi za WCF katika kuimarisha mifumo yake ili kutoa huduma bora kwa wadau wake.
“Pia napenda nizishukuru taasisi za Hospitali ya Taifa Muhimbili, MOI, Ocea Road Hospital, MUHAS, na OSHA kwa kuwaruhusu wataalamu wake ili tuwatumie katika kutoa mafunzo haya.” Alisema.
Kwa upande wake, Mkuu wa Mkoa wa Mbeya, Bw. Amos Makala ambaye alikuwa mgeni rasmi katika ufunguzi wa mafunzo hayo, alisema, juhudi za ushirikiano wa pamoja miongoni mwa wadau yaani Serikali, Wafanyakazi, Waajiri unahitajika sana kuhakikisha tathmini endelevu ili kuimarisha mfuko.
“Nimeambiwa mafunzo haya yataongeza uelewa katika kufanya tathmini na uchunguzi wa majeraha au maradhi anayoyapata mfanyakazi mahala pa kazi na kutoa mapendekezo stahiki kwa uamuzi wa mwisho.”
Mkuu wa Mkoa pia alipongeza juhudi za WCF kwa kuendesha mafunzo hayo ambayo yatawezesha kupanua wigo wa mtandao wa watoa huduma za afya na hospitali
“Katika mwaka wa fedha wa 2015/2016 naambiwa mlianza kutoa mafunzo kwa madaktari na watoa huduma za afya wapatao 359, katika wailaya zote za Tanzania Bara mafunzo mliyoyaendesha katika kanda nne za Pwani, kanda ya Ziwa, kanda ya Kaskazini, na Kanda ya Nyanda za Juu Kusini na mwaka uliofuata mkatoa mafunzo kwa madaktari wapatao 145 katika mikoa ya Dar es Salaam na Mwanza na kufanya idadi ya jumla hadi sasa ya madaktari na watoa huduma za afya ambao mmewapatia mafunzo kufikia 504, napenda kuipongeza Bodi ya Wadhamini na uongozi wa Mfuko kwa kazi nzuri mnayofanya.” Alimaliza Mkuu wa Mkoa Bw. Amos Makala.

 Mkurugenzi Mkuu wa Mfukom wa Fidia kwa Wafanyakazi, (WCF), Bw. Masha Mshomba, akitoa hotuba ya ukaribisho kweye ufunguzi rasmi wa mafunzo ya siku tano kwa madaktari wanaofikia 100 kutoka mikoa saba ya kanda ya nyanda za juu Kusini, kwenye ukumbi wa Benjamin Mkapa, jijini humo Desemba 12, 2017. Mafunzo hayo yanayoratibiwa na WCF, yanalenga kuwajengea uwezo madaktari na watoa huduma za afya kufanya tahmini ya mfanyakazi aliyepata ulemavu au ugonjwa mahali pa kazi. Kushoto ni Mkuu wa Mkoa wa Mbeya, Mhe. Amos Makala, na Mkurugenzi wa Tiba na Tathmini wa Mfuko huo, Dkt. Abdulsalaam Omar.
 Washiriki wakifuatilia hotuba kwa umakini.
 Washiriki wakifuatilia hotuba kwa umakini.
 Washiriki wakifuatilia hotuba kwa umakini.
 Mshiriki akizungumza kwenye mafunzo hayo.
 Mshiriki akizungumza kwenye mafunzo hayo.
 Dkt. Ali Mtulia(kushoto) kutoka WCF, na wawezeshaji wakifuatilia hotuba hiyo.
  Washiriki wakifuatilia hotuba kwa umakini.
 Mkuu wa Kitengo cha Mawasiliano na Uhusiano WCF, Bi. Laura Kungenge, akiwa makini kufuatilia hotuba.
 Sekretariat ya WCF ikiwa kwenye majadiliano ili kuhakikisha mafunzo yanakwenda kwa ufasaha. Kutoka kushoto ni Dkt. Pascal Magesa, Bw.Vincent Steven, Bi. Laura Kunenge, na Bi.Innocencia William.
 Afisa Kazi Mkoa wa Mbeya, Bi. Mary Patrick Mwansisya (kulia na maafisa wengine wakifuatilia hotuba ya Mkuu wa Mkoa.
Bw. Mshomba akimsikiliza kwa makini Mkuu wa Mkoa wa Mbeya Mhe. Amos Makala wakati akihutubia madaktari.
Mhe. Makala, akionyesha kitu, akiwa Bw. Mshomba
Picha ya pamoja kundi la kwanza
Picha ya pamoja kundi la kwanza
Picha ya pamoja kundi la kwanza

Mkuu wa Mkoa wa Mbeya, Mheshimiwa Amos Makala, (kushoto), akipongezwa na Mkurugenzi Mkuu wa Mfuko wa Fidia Kwa Wafanyakazi, (WCF), Bw. Masha Mshomba, (kushoto) mara baada ya kutoa hotuba yake ya ufunguzi rasmi wa mafunzo ya siku tano kwa madaktari wanaofikia 100 kutoka mikoa saba ya kanda ya nyanda za juu Kusini, kwenye ukumbi wa Benjamin Mkapa, jijini humo jana (Desemba 12, 2017). Mafunzo hayo yanayoratibiwa na WCF yanalenga kuwajengea uwezo madaktari na watoa huduma za afya kufanya tahmini ya mfanyakazi aliyepata ulemavu au ugonjwa mahali npa kazi. Mafunzo hayo yanafanyika jijini Mbeya.

Mkuu wa Mkoa wa Mbeya, Mheshimiwa Amos Makala, (kulia), akiongozana na Mkurugenzi Mkuu wa Mfuko wa Fidia Kwa Wafanyakazi, 9WCF), Bw. Masha Mshomba, baada ya ufunguzi rasmoi wa mafunzo ya siku tano kwa madaktari wanaofikia 100 kutka mikoa saba ya kanda ya nyanda za juu Kusini, kwenye ukumbi wa Benjamin Mkapa, jijini humo. Mafunzo hayo yanayoratibiwa na WCF yanalenga kuwajengea uwezo madaktari na watoa huduma za afya kufanya tahmini ya mfanyakazi aliyepata ulemavu unaotokana na ajali au magonjwa mahala pa kazi.